A Asociación Cultural Almuinha celebrará mañá o Roteiro das Praias que se viu na obriga de suspender o pasado mes de setembro por mor do mal tempo. A saída será ás 10.00 horas desde a Alameda Rosalía de Castro e contará coa participación do arqueólogo marinense Lukas Santiago, que dará unha pequena charla na zona dos petróglifos de Mogor. Será a primeira dunha serie de andainas dentro do programa "Coñecendo o noso entorno". É unha andaina duns nove kilómetros, de dificultade baixa e duración estimada de dúas horas e media.
