Un hotel de Asturias que "desprezou o galego", Premio Lingua de Trapo

Ana Acuña recibirá o galardón Lingua de Ouro

01.07.2014 | 01:58
A presentación do programa de actos, onte, na Alameda.

A Asociación Queremos Galego de Marín concedeu o premio Lingua de Ouro a Ana Acuña Trabazo, doutora en Filoloxía Galega e profesora na Universidade de Vigo, "polo seu labor científico-divulgativo do noso idioma". O premio negativo deste certame, o galardón "Lingua de Trapo", é para o Hotel Rural Arredondo, en Llanes, Asturias, "dado o desprezo mostrado pola súa propietaria nos comentarios que realizou cando unha muller presentou no seu currículo como mérito o coñecemento do idioma galego. Esta asociación lamenta que aínda existan actitudes negativas e prexuízos en contra das linguas minorizadas, como é o caso do galego".

O premio Lingua de Ouro para colectivos é para os equipos de Dinamización e Normalización Lingüística dos colexios públicos do concello de Marín, "pola súa dedicación e entusiasmo na difusión e valoración positiva da lingua galega, tanto entre o alumnado como nas súas familias".

A entrega dos premios terá lugar durante o transcurso dun acto o vindeiro venres, 4 de xullo, a partir das 20.30 horas na Biblioteca Pública Municipal, no que haberá música, petiscos e "algunha sorpresa".

A figura dos Premios da Lingua deste ano foi feita polo membro da Asociación Queremos Galego Marín, escultor e profesor da Facultade de Belas Artes de Pontevedra, Xoán Anleo. O colectivo presentou onte o programa de actos, na Alameda Rosalía de Castro de Marín.

Compartir en Twitter
Compartir en Facebook

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

 
Enlaces recomendados: Premios Cine