Volve o rock feito en galego

O festival Galegote propón 4 días de música en salas da cidade

08.03.2013 | 07:36
Ataque Escampe nun concerto. // Lucía Mallo
Ataque Escampe nun concerto. // Lucía Mallo

Rock feito en galego e dende Galicia. É a proposta de Galegote, o programa de concertos que chega á súa segunda edición con formato renovado: reducese de 3 meses a unha fin de semana e unha presentación musical previa e agora busca as novas propostas de bandas galegas como O neno Elliot, O Marqués das Vinñas ou Ataque Escampe.

"Hai toda unha escea musical independiente, a pe de rúa, en galego e que ten dificultades para chegar ó circuito comercial, por eso este festival busca poñer en relación ós grupos coas salas para impulsar estos circuitos", explica o concelleiro de Normalización, Demetrio Gómez, ó presentar o Galegote Rock, unha cita que se desenvolverá a partires do vindeiro 5 de abril.

Ese día actuarán na Sala Karma O neno Elliot e Os amigos dos músicos. Será "un espectáculo pouco común no que se funden temas de ámbolos dous", sinala Marcos Rivas, de Karma.

Tras desta presentación a seguinte proposta será o 11 de abril. Pequeño Karma será escenario do concerto de Roger de Flor e O Marqués das Vinñas, unha actuación que será de balde.

Ó día seguinte subirán ó escenario da Sala Karma Terbutalina (que mesturan rock con garaxe punk), Martelo e Roxy Freire e o Galegote pechará o sábado 13 con Ataque Escampe (considerada unha das bandas en galego máis recoñecidas no panorama español) e os pontevedreses Fervellasverzas.

A organización sacará á venda abonos para toda a programación ou para concertos puntuais.

O abono á presentación máis ós concertos poderá mercarse por 12 euros; por 8 o ciclo de concertos e por 6 cada actuación. Pola súa banda, a asistencia á festa de presentación terá un custo de 5 euros.

A venda anticipada será en La Casa Winchester, Rei Zentolo, Pequeño Karma e www.entradasgo.com ou en www.ticketea.com.

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

 
Enlaces recomendados: Premios Cine