Marín canta "A Saia de Carolina" en galego con afán reivindicativo

JULIO SANTOS PENA - MARÍN Un nutrido grupo de veciños de Marín e persoas chegadas doutros puntos de Galicia cantaron onte en galego a popular peza "A Saia da Carolina" para apoiar a reivindicación iniciada pola plataforma que leva o mesmo nome e que impulsa Xosé Antón Laxe Martiñán. Éste foi o encargado de ler o manifesto ante os numerosos veciños que rodeaban a farola da Alameda e diante dunha gran pancarta na que rezaba o lema da concentración "Porque é nosa a Carolina, querémola en galego".
Laxe xustificou a ausencia de Méndez Ferrín quen tiña pensado participar na concentración pero á que non chegou a tempo xa que viaxaba dende A Coruña, e explicou a razón de por qué esta concentración se facía nesta vila despois de saber que no colexio público "A Laxe" había un libro de texto no que esta popular canción atópase traducida ao castelán, cousa que foi calificada como un "esconxuro ridiculista que non pode formar parte dun método didáctico se non se pretende incluir nunha campaña de desprestixio da lingua máis feble".
Engadiu que "o camiño cara a ese bilingüismo cordial, que leva ao desprestixio social do idioma galego e á progresiva substitución polo castelán, implica barbaridades como a cometida no colexio da Laxe cousa que á inversa sería impensable".
Considerou que, entre as causas desde desatino lingüístico esta o intento de "manter ben controlada a chave do noso orgullo para proxectar en Madrid a imaxe que aló desexan ver, a dun pobo submiso e ancorado aínda nos séculos escuros, que soubo reducir o idioma propio –popular e de glorioso pasado- a unha cuestión familiar e folclórica, implica que os mesmos dirixentes que marcan outras liñas de progreso (de progreso propio, matizou) neste país non proxecten unha imaxe de "tímido españolismo" sobre as súas respectivas sedes partidarias centrais, e así poder promocionar a nivel estatal as súas propias carreiras políticas."
Rematado o discurso de Laxe Martiñán un grupo de mulleres algunhas delas do grupo Fentos e Frouma entonaron a canción en galego que foi coreada polos numerosos asistentes nun berro de identidade que os membros da plataforma "A Saia da Carolina en Galego" agradeceron anunciando que a loita continuará contra este tipo de agresións lingüísticas.