REDACCIÓN - PONTEVEDRA
A Concellaría de Medio Ambiente Natural e a asociación "Os Palleiros" colaboran para or-ganizar os actos do Día Internacional dos Dereitos dos Animais. A praza da Ferrería será este sábado o escenario dunha gran festa infantil organizada arredor dun concurso de debuxo e con actividades de animación. A concelleira Celia Alonso e o voceiro de "Os Palleiros" Víctor Sariego foron os encargados de presentar a iniciativa. Estiveron acompañados do Mago Norberto, que será un dos encargados de proporcionar a diversión, xunto co pallaso Pimpón e un grupo de animación.
A responsable municipal destacou que as institucións teñen a obriga de traballar a prol da concienciación na protección dos animais salvaxes e domésticos e de difundir o feito de que os animais tamén teñen dereitos que deben ser respectados.
O Concello encárgase da instalación de catro carpas na Ferrería baixo as que se celebrarán as actividades. Ademais repartirá exemplares do libro "Teño dereito", editado hai un par de anos co obxectivo de difundir as obrigas que asumen todos os propietarios de cans. A festa celebrarase en horario de 11 a 14 e de 16 a 18.30 horas.
22:08
Videos
IMPRIMIR PÁGINA »
AUMENTAR TEXTO »
REDUCIR TEXTO »
.jpg)
