A cidade comenza a vestirse de Feira Franca coas Xornadas de Historia durante esta semana

REDACCIÓN - PONTEVEDRA A cidade comeza a sumerxirse na Feira Franca. A Concellaría de Festas inicia mañá as Xornadas de Historia que este ano contan con cinco ponentes que disertarán sobre o papel da lingua na Galicia medieval. O tema está motivado pola propia Feira que este ano recreará as cantigas de amor, escarnio e maldicer. A Feira Franca celebrarase o primeiro fin de semana de setembro.
A Casa das Campás acollerá as distintas intervencións, que teñen como fío conductor a lingua, dende hoxe até o sábado, día 29 de agosto, data en que se clausuarán.
Mentras as rúas da cidade irán collendo color á Feira cos distintos decorados que se instalarán no centro histórico.
Primeira conferencia
As xornadas inauguraas hoxe, ás 20.30 horas, Anselmo López Carreira, do Instituto de Estudos Galegos "Padre Sarmiento" que falará sobre O marco político da cultura medieval galega.
Na súa ponencia explicará que durante a plena Idade Media, na chamada "Era Compostelá" e no pontificado de Xelmírez, Galicia acadou a brillantez cultural quen se apreza no románico, na literatura latina e nos Cancioneiros galego-portugueses, o cal en realidade constitúe a culminación dun proceso previo de desenvolvemento que remite ata o siglo X (e máis atrás) e expresa a maduración económica, social e política do Reino de Galicia.
Efectivamente, nin o alto nivel cultural do período nin a expansión que daquela experimenta o idioma galego admiten explicación fóra do contexto político do Reino medieval, cando Galicia é un referente recoñecido.
Porén, a historiografía predominante silenciou sistematicamente a existencia do Reino de Galicia, substituíndo o seu protagonismo histórico por outras creacións de carácter indisimuladamente ideolóxico, derivadas das particulares condicións en que o Estado liberal español elabora a súa imaxe historicista.
Alquiler e venta de traxes
Por outra banda, o alquiler e venta de traxes para a Feira Franca segue a bo ritmo como o constatan as tendas.
Tamén destacar que xa están programadas unhas duascentas comidas e cenas nas rúas do casco histórico e que nesta edición o concello, ante as obras que se están levando a cabo na Alameda, decideu ampliar a Feira Franca á Avenida de Reina Victoria e os xardín das Palmeiras. Acollerán as comidas máis numerosas dos diversos colectivos.