Louro cre que o novo perímetro responde ás demandas dos propietarios afectados

REDACCIÓN - PONTEVEDRA O delegado do Goberno en Galicia, Antón Louro, valora como "positivos e satisfactorios" os cambios introducidos na delimitación da franxa de seguridade da Brilat. O dirixente socialista asegura que a modificación responde ás demandas que os propietarios das vivendas próximas reivindicaron ao longo dos últimos meses. Segundo destaca, todas as edificacións destinadas a tal fin quedan fóra da nova liña aprobada.
"A modificación do perímetro de seguridade da base aprobado polo Ministerio de Defensa só poder ter unha única lectura, unha valoración en positivo, habida conta de que a medida dá resposta ás preocupacións e demandas formuladas polos veciños", explica o ex edil no Concello de Pontevedra. De igual xeito felicita ao departamento que dirixe Carme Chacón porque co novo plantexamento "os veciños deixarán de ter as súas vivendas afectadas por esa delimitación".
Louro manifesta así unha opinión contraria á que, tras os cambios do perímetro, manteñen os vecinos das zonas afectadas, no entorno do cuartel de Figueirido. Estes lamentan que aínda haxa propiedades particulares dentro da franxa e anuncian que a asociación de afectados continúe as súas movilizacións.
Sen embargo, Louro rexeita calquera crítica ás novas medidas do perímetro. O delegado do Goberno insiste: "Esta aprobación constitúe un motivo de satisfacción e amosa o traballo eficaz do Ministerio de Defensa. Está en liña coa proposición non de lei aprobada ao respecto no Congreso dos Deputados". Mentres tanto, o movemento opositor ás medidas acordadas dende o Goberno central busca máis apoios para evitar que a franxa afecta a calquer tipo de propiedade privada.