"Imos mudar a paisaxe, ata agora parecía que estabamos en Australia"

 

"Cos novos orzamentos quero abrir unha nova liña de subvencións para seguir a reforestación", di Miguel Vázquez Plaza, Concelleiro de Montes.

F. M. / PONTEVEDRA O plan Monte Vivo, dotado de 1,5 millóns de euros, tenta recuperar a biodiversidade do concello tras o desastre dos lumes do verán de 2006. Se o proxecto naceu co propósito de conter o lume e reforestar o monte, agora proponse mudar por completo unha paisaxe dominada ata agora polo monocultivo de eucalipto.
- Cantas árbores se plantarán nos montes de Pontevedra con plan Monte Vivo?
- Actuarase nesta primeira fase en mil hectáreas, cunha plantación de 400.000 novas árbores. Eso é o que está aprobado polo de agora.
- Que especies veremos na paisaxe do concello cando se execute o plan?
- Como se trata dun plan de reforestación pero ao mesmo tempo de prevención de incendios, o que meteremos é principalmente especies frondosas, pero tamén haberá zonas con piñeiro de Oregón ou abeto de Douglas e outras especies.
- Que montes se han beneficiar da reforestación?
- Todas as parroquias agás Salcedo e Alba. Son en total 14 proxectos, algúns de montes privados.
- Por que non se actuará en Salcedo e en Alba?
- Tería que preguntarlle ás comunidades de montes destas parroquias. Non respostaron á proposta.
- O plan xa aprobado terá continuidade?
- Confío en que si. A idea miña, unha vez aprobados os novos orzamentos do concello, é abrir de novo a liña de subvencións do plan Monte Vivo e combinando tanto as comunidades de montes como os propietarios privados, para chegar a mellorar a práctica totalidade da superficie forestal do concello.
- Cal é o obxectivo final?
- Un obxectivo fundamental é recuperar o monte, previr catástrofes como a de 2006 e tamén digamos que mudar a paisaxe forestal deste concello para que volva a ser de novo unha paisaxe galega. Porque co monte que tiñamos ata agora, ías por Pontevedra e podería parecer que estabas en Australia ou en calquera outro lugar. Digamos que ese é un obxectivo, pero sen esquecer o de diversificar a produción madeireira, para que a reforestación tamén lles saia rendable ás comunidades de montes e ós propietarios privados.
- En canto tempo veremos unha mellora efectiva do monte?
- Non é só que se vaia mellorar, porque hai que ter en conta que quedamos sen monte. Quero dicir que todo o que se faga para recuperar o monte agora mesmo é fundamental e urxente. Hai que repoblalo por completo. Menos Lourizán e algunha zona de Salcedo, o resto ardeu todo. E o que se trata agora é de facelo dun xeito racional, con criterios técnicos e tendo en conta a opinión dos expertos. Algunhas comunidades de montes xa están traballando, preparando o monte. Nesta época non se pode plantar, hai que esperar a outono para facelo. Esta primeira fase ten que estar executada o 31 de decembro. Logo a idea é abrir unha nova liña de subvencións.

  HEMEROTECA
Caja Negra        O Bichero         Floreano
Síguenos en...
¿Qué piensa hacer hoy? ¿Tiene algún plan para el fin de semana? Consulte todos los eventos culturales en nuestra agenda... más »




Le ofrecemos un espacio propio para hablar de lo que más le guste. Cree un blog en el espacio que Faro de Vigo pone a su disposición... más »




Contemple la Ría de Vigo en directo desde la cámara situada en la sede de Faro de Vigo, situada en Chapela... más »
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya