POIO
POSTA EN VALOR DA RIQUEZA PATRIMONIAL
 

Os muíños de A Freixa botan a rodar

 
A actuación supuxo a mellora do paseo fluvial de A Freixa. / rafa vázquez
A actuación supuxo a mellora do paseo fluvial de A Freixa. / rafa vázquez 

O Concello de Poio inaugura un roteiro e editará unha guía sobre a historia dos sistemas de moenda.

MÓNICA ÁLVAREZ / POIO A moa do muíño de Arriba de A Reiboa botou onte a rodar despois de vinte anos de inactividade no medio dunha grande expectación. É o primeiro da ruta da Freixa que moe millo no século XXI, grazas á restauración praticada a través do programa europeo de desenvolvemento rural Proder II. Francisco Martínez, copropietario do muíño, enchíase de fachenda explicando aos visitantes o funcionamento do sistema.
"Por debaixo vai o rodicio que move a auga, iso é a moa, o trouso, a cruceta,... E esta palanca chámase tarabelo e fai que o gran vaia caíndo, parece mentira que unha peza tan pequena sexa tan importante", comentaba marabillado aínda ante a complexa simplicidade do mecanismo. Francisco e os seus veciños lembraban onte os tempos nos que os muíños traballan día e noite para facer o pan que constituía o alimento básico de moitas familias en épocas de carestía. "No campo pasamos menos fame que na cidade", bromeaba o alcalde de Poio, Luciano Sobral, co seu homólogo capitalino, Miguel Fernández Lores. Carmen Lubián, unha veciña de San Martiño de 76 anos, non vía un muíño en marcha desde que era cativa. "Esta fariña máis fina, a que queda pegada ao pé, era a que empregabamos para facer as papas dos nenos", apunta sen sacar de vista a moa.
Belo e descoñecido
A recuperación dos muíños da Freixa supuxo unha inversión de 125.000 euros. A intención do goberno local é poñer en funcionamento algún máis nos vindeiros anos como principal atractivo dunha senda fluvial ubicada nun enclave tan fermoso coma descoñecido. Para converter este recuncho nun dos reclamos turísticos do municipio, o goberno local pensa editar unha guía que recolla as características de cada aparello, o ano de construcción, o nome dos propietarios e as lendas vencelladas a eles. A delegada de Cultura en Pontevedra, María Xesús López Escudeiro, propón que este traballo teña unha base real, sustentada nas vivencias das persoas que os empregaron. Francisco Martínez colaboraría de bo grado. Él foi precisamente quen asesorou aos obreiros para poñer en marcha o sistema de moenda, que segundo di, utilizará no futuro para facer pan para consumo propio e para a mantenza dos animais.
Galiza, potencia na crise alimentaria
A inauguración do roteiro, que se fixo coincidir coa xornada de clausura do encontro de gaiteiros Manuel Villanueva, congregou en A Reiboa a multitude de veciños e tamén a representantes das institucións implicadas na obra. O delegado provincial de Medio Rural, Gonzalo Constenla, invitou a reflexionar sobre o papel de Galiza coma "potencia internacional" na producción de alimentos "nunha época de crise" coma a actual, aínda que cun enfoque diferente, desvinculado da economía de subsistencia. O alcalde de Pontevedra, Miguel Fernández Lores, suliñou asemade a necesidade de mellorar a calidade de vida nas aldeas e xerar nestes núcleos emprego estable.

  HEMEROTECA
Caja Negra        O Bichero         Floreano
Síguenos en...
¿Qué piensa hacer hoy? ¿Tiene algún plan para el fin de semana? Consulte todos los eventos culturales en nuestra agenda... más »




Le ofrecemos un espacio propio para hablar de lo que más le guste. Cree un blog en el espacio que Faro de Vigo pone a su disposición... más »




Contemple la Ría de Vigo en directo desde la cámara situada en la sede de Faro de Vigo, situada en Chapela... más »
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya