Marcos Valcárcel resume nun libro a historia de Ourense dende os romanos

Autoridades e colectivos da cidade renden homenaxe ó investigador pola súa fecunda traxectoria

 
Marcos Valcárcel, co público detrás aplaudindo no Liceo.
Marcos Valcárcel, co público detrás aplaudindo no Liceo.  Daniel Atanes

X.M. DEL CAÑO / OURENSE Marcos Valcárcel presentou onte "Historia de Ourense", un libro que resume en 70 páxinas os acontecementos da cidade desde a época dos romanos ata a actualidade. Ten carácter divulgativo. Está dirixido ó mundo do ensino e a toda a poboación que queira familiarizarse coas claves sociais, económicas, culturais e políticas do lugar no que reside. Autoridades e colectivos rendéronlle unha homenaxe ó investigador, como recoñecemento á súa longa e fecunda traxectoria. O alcalde, Francisco Rodríguez, cualifica ó autor coma "un ourensán de luxo".
Dentro do acto de recoñecemento á súa tarefa, o rexedor dirixiuse ó historiador con palabras cálidas, ó recoñecer que "cando falemos das personaxes que a poboaron e lle deron o seu verdadeiro espírito -afirmou, en clara referencia a Ourense-, como Otero Pedrayo, Vicente Risco, Florentino López Cuevillas, Antón Tovar, Blanco Amor e Casares, sempre teremos que engadir un nome máis: o teu, o de Marcos Valcárcel".
Marcos Valcárcel concibiu o libro coma "unha porta aberta para empezar a coñecer a historia da cidade de Ourense en todas as súas etapas, dende as orixes romanas ata finais do século XX", materia na que os lectores poden afondar botando man da abundante bibliografía que facilita. Conta cun valioso apartado gráfico, elaborado "con gran esmero, por parte de Manuel Bragado e Edicións Xerais", dentro do que poden contemplarse fotos das aras romanas e dos últimos achados arqueolóxicos das Burgas, da catedral, o plano da cidade histórica medieval e a chegada do ferrocarril no século XIX, sen esquecer o aportado literario, encabezado por Curros e Lamas Carvajal.
O autor defende a teoría de que a cidade de Ourense naceu cos romanos, dado que antes só existían asentamentos castrexos nos arredores, como Santomé, e o aproveitamento dos mananciais das Burgas. "Ourense é un dos tres ou catro núcleos máis importantes da antiga Gallaecia romana". Fai referencia á época sueva, na que nace a primeira catedral da cidade no actual solar que ocupa a igrexa Santa María Nai.
Marcos Valcárcel resalta que Ourense "foi unha cidade que non cambiou practicamente nada dende a Idade Media a mediados do século XIX, en 1850, cando se abriu a estrada de Villacastín a Vigo: a rúa do Progreso. "Coa rúa do Progreso nace o Ourense urbano, burgués, moi vinculado a comerciantes que viñan de fóra -casteláns, navarros, vascos, asturianos?-, que abriron establecementos na zona. Aí nace a cidade moderna, que é o Ourense do Ensanche. Vai dende a praza Maior ó Parque de San Lázaro".
No século XX "aparece o Ourense proletario, máis reivindicativo. Ten moita importancia a construción da Ponte Nova en 1918, nunha cidade na que empezan a xurdir forzas republicanas, socialistas, unha federación de sociedades obreiras moi forte, ademais do esplendor cultural e literario da Xeración Nós.
Marcos Valcárcel é o historiador, crítico, estudoso, divulgador e dinamizador cultural máis fecundo e rigoroso da cidade de Ourense nos últimos anos. Constitúe un elo entre os vellos mestres e as novas fornadas de escritores e investigadores, baixo o denominador común do compromiso político, da calidade formal e servizo ó país, ó rescaldo da Xeración Nós.
Marcos Valcárcel naceu en Ourense o día 3 de marzo de 1958, nunha casa da estrada da Granxa. Fillo do xoieiro Fiz e de Carme.

  HEMEROTECA
Síguenos en...
Caja Negra        O Bichero         Floreano
¿Qué piensa hacer hoy? ¿Tiene algún plan para el fin de semana? Consulte todos los eventos culturales en nuestra agenda... más »




Le ofrecemos un espacio propio para hablar de lo que más le guste. Cree un blog en el espacio que Faro de Vigo pone a su disposición... más »




Contemple la Ría de Vigo en directo desde la cámara situada en la sede de Faro de Vigo, situada en Chapela... más »
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya