17 de mayo de 2018
17.05.2018
ÚLTIMA HORA
Julen Lopetegui renueva como seleccionador español hasta 2020

Alumnos de toda a comarca participan no II Certame de Poesía Improvisada

Antes da gala cos finalistas no Auditorio de Cangas, os estudantes de todos os centros de Secundaria comezaron os obradoiros de regueifas

17.05.2018 | 03:35
Os regueifeiros Luís Caruncho e Pinto de Herbón no Paralaia. // G.N.

Alumnos de 2º de ESO de todos os centros de Secundaria da comarca comezaron a súa participación no II Certame Escolar de Poesía Improvisada. Fixéronno a través dos primeiros obradoiros de regueifa impartidos polos recoñecidos regueifeiros Luís O Caruncho e Pinto de Herbón. Cada centro contará con dous obradoiros. No primeiro os estudantes terán un achegamento á improvisación e coñecerán a historia deste tipo de cantigas en Galicia. Traballan o ritmo, a rima, a estrofa, os versos de arranque ou o pé forzado.

Os 25 alumnos seleccionados en cada centro practicarán despois nun segundo obradoiro, onde porán en práctica a teoría aprendida no anterior. Ao remate, os monitores nomearán aos 10 mellores de cada centro para o certame final.

A data do certame está fixada para a mañá do xoves 31 de maio no Auditorio de Cangas entre as 10.00 e as 13.00 horas. Os finalistas improvisarán regueifas en quendas de oito, facendo cuartetas de presentación e rimando sobre palabras que lles aporten os monitores no momento.

Os que acaden a rolda final serán elixidos por un xurado de xornalistas, profesores e profesionais da música. Gañará o centro que máis alumnado achegue á final.

Onte tivo lugar o segundo obradoiro nos centros A Paralaia e Virxe Milagrosa.

O obxectivo desta actividade é fomentar a oralidade en galego nun contexto informal e espertar nos nenos da comarca o interese pola práctica da técnica da improvisación, que forma parte do patrimonio cultural galego. Á vez, preténdese desenvolver a memoria dos estudantes a fomentar a súa creatividade.

Compartir en Twitter
Compartir en Facebook
 

Calendario laboral y escolar 2017/2018

Calendario laboral 2018 en Galicia

Calendario Laboral 2018 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2017/2018 .

 

Enlaces recomendados: Premios Cine