O dramaturgo, actor e director Cándido Pazó inaugura hoxe, ás dez da mañán, a XXII Mostra de Teatro de Ensino Secundario do Morrazo no colexio Eduardo Pondal. Os anfitrións serán os encargados de abrir o telón coa obra "A Illa Amarela", de Paloma Pedrero, en adaptación e dirección de Ángel Currás. A continuación subirá ao escenario A Réplika de María con "Arredor de ti", coprodución entre o Obradoiro de Teatro María Soliño e Teatro A Réplika, do IES Rodeira. Mañán será o turno de Comediantes Anónimos, do IES Johán Carballeira, que porá en escena "Vodkavil", a partir de textos de varios autores e dirección de Fran Paredes e Rosa Domínguez, e Dramátic@s, do IES A Paralaia, con "Comedia bífida", dirixida por Lucía Iglesias.