O Paseo Marítimo Antonio Blanco acollerá mañá domingo, a partir das 13.00 horas, o tradicional acto de homenaxe e lembranza das persoas asasinadas por defender a liberdade, no 31 de decembro do ano 1936. Neste acto que se celebrará no entorno do monolito de recordo ás víctimas intervirá o historiador e catedrático de xeografía e historia Francisco Calo Lourido (investigador no campo da antropoloxía e da arqueoloxía), e realizarase a anual ofrenda floral. Contarán coa ambientación musical a cargo da agrupación Os Amigos Gaiteiros. Por outra banda, o profesor Julio Prada Rodríguez ofreceu onte en Marín a conferencia "A represión franquista en Galicia. Algunhas claves interpretativas", dentro das actividades organizadas por Memoria Histórica.
