Donicelas, Susana Seivane, Che Sudaka e Skarnivals, de festa en Vilariño

A XVIII Festa Folc celébrase o vindeiro 19 de agosto

02.08.2017 | 12:14

Xa hai unhas semanas que se coñecía quen era a protagonista do cartel da Festa Folc de Vilariño. Este ano a "centola tola" súmase a xa longa lista de animais e bechos que pasaron pola cartelería e camisetas deste popular festival. Somentes restaba por desvelar o máis importante: os grupos que van subirse enriba do escenario da praia de Vilariño para facer bailar e desfrutar ao público. A incógnita xa está resolta e os convidados deste ano son Donicelas, a gaiteira Susana Seivane, Che Sudaka e os buenenses The Skarnivals. A cita será o 19 de agosto a partir das 22.00 horas.

O tempo pasa voando. Tanto que xa van 18 anos desde a primeira edición da Festa Folc de Vilariño. O popular festival que organiza a Asociación Cultural O Gato acada neste 2017 a súa maioría de idade e un ano máis a organización volve a brindar un cartel con figuras de renome e con estilos variados dentro da música folc e tradicional. Donicelas, Susana Seivane, Che Sudaka e The Skarnivals forman o cartel dun festival que se celebrará o vindeiro 19 de agosto no seu tradicional escenario da praia de Vilariño.

Donicelas é un grupo de seis pandereteiras do municipio de Salceda de Caselas. As súas orixes hai que buscalas nun actividade escolar no colexio e na que amosaron o seu interese polo mundo da música galega. Desde aquel entón xa pasaron máis de 20 anos e ao longo deste tempo teñen gravado dous discos: "Que nunca foi abalada" e o máis recente "Donicelas", amáis de colaborar en traballos discográficos doutros artistas.

As Donicelas serán as encargadas de abrir a edición deste ano e logio darán paso a un dos grandes nomes da música tradicional galega: a gaiteira Susana Seivane, herdeira da familia Seivane, que é unha das sagas con máis prestixio e recoñecemento no mundo dos gaiteiros e artesáns de gaitas. A Vilariño chegará xusto despois de participar en Francia no Festival Saint Loup, un certame que este ano cumpre 60 anos. A gaiteira leva publicados catro álbumes: "Susana Seivane", "Alma de buxo", "Mares de tempo", "Os soños que volven" e un DVD en directo titulado "Susana Seivane e amigos".

A segunda parte do festival será a que teña un toque máos festivo. Primeiro con Che Sudaka, un grupo formado por músicos arxentinos e colombianos que están afincados desde principios da década de 2000 en Barcelona. A súa música, tal como a definen eles mesmos, é unha especie de punk reggae party, na que ademais hai cabida para outros ritmos, como o hip hop ou o ska.

Os encargados de pechar a XVIII Festa Folc de Vilariño serán uns mozos do Morrazo: The Skarnivals. Comezaron aló polo ano 2009 co nome de Skakeo e os seus directos, cheos de enerxía e un estilo claramente reivindicativo, servíronlles para facerse un oco no panorama musical galego e editar os seus primeiros traballos. O máis recente chámase "Movimiento Irracional", un disco que segundo eles é unha chamada "á tolemia, tanto no temático como no musical". A súa música é unha fusión de ska, punk e folk galego e serán os encargados de facer bailar ao público ata ben entrada a madrugada.

A celebración da Festa Folc é en realidade o culmen a unha ampla programación de actividades que se van desenvolver ao longo de toda a semana na aldea de Vilariño. Xa está confirmada a que vai ser a quinta Mostra de Instrumentos de Música Tradicional con Lagharteiras. O luns 14 haberá un concerto de Eikasia e Wondercovers. O martes 15 haberá un encontro pandereteiro e proxectarase a curta "Irei a Darbo". O mércores 16 haberá un obradoiro de pandeiro e o xoves 17 unha actividade de baile con Pandecroba.

Compartir en Twitter
Compartir en Facebook

Deportes Morrazo

Mauro celebrando el primer gol de los que anotó el Alondras este domingo. // Santos Álvarez
Humildad tras la merecida goleada

Humildad tras la merecida goleada

Antonio Fernández pide a sus jugadores tener "los pies en el suelo" tras debutar con un 6-1 al Noia

Pablo Cabello y Javier Lago se imponen en clase Vaurien en Cangas

Pablo Cabello y Javier Lago se imponen en clase Vaurien en Cangas

Martín Wizner y Pedro Ameneiro ganan en clase 420

El Lalinense pasa a cuartos

El Lalinense pasa a cuartos

Vence al Luceros en un choque decidido en la prórroga ä Arón anotó 14 goles

Tirán pincha en las olas de Zarautz

Tirán pincha en las olas de Zarautz

La embarcación de Moaña reacciona en el último largo pero no evita el penúltimo puesto

La salvación como objetivo tras cambiar casi toda la plantilla

La salvación como objetivo tras cambiar casi toda la plantilla

El Moaña de Miguel Fernández se presenta ante su afición - Solo repiten 5 jugadores

El Defensores mide sus fuerzas al CB Porriño

El Defensores mide sus fuerzas al CB Porriño

El club organiza el viernes el cuarto torneo Basket na Rúa 3x3, en la alameda

 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Suscriptor | O Morrazo

Contenido exclusivo para suscriptores digitales
Enlaces recomendados: Premios Cine