03 de junio de 2017
03.06.2017
Personaxes de Cangas · Arquivo de A Cepa

Antonio Alfonso, un aldanés en Xapón

O profesor cangués está considerado como unha eminencia internacional no estudo e ensinanza do xaponés

03.06.2017 | 05:39

A Asociación Cultural A Cepa achega nesta ocasión unha semblanza do cangués Antonio Alfonso, unha auténtica eminencia no estudo e ensinanza do xaponés. Ese recoñecemento internacional fai que fose coñecido internacionalmente como Anthony Alfonso. Antonio Alfonso Pardavila, nace no lugar de San Cibrán en Aldán (1922) nunha familia modesta. Ao quedar orfo de pai, mándano a estudar cos Xesuítas de Vigo, realiza estudos en Salamanca e ingresa na orde. Estuda Lingüística en Michigan (Estados Unidos) e doutórase en Filosofía na Universidade Pontificia de Comillas onde vai impartir clase.

Unha persoa sinxela, leda e san a que todo se lle daba ben: xogar, estudar, correr ou nadar, en palabras do seu veciño e amigo Carlos González. Posuidor dunha gran brillantez intelectual, ademais dos idiomas propios, dominaba outros oito: xaponés, inglés, francés, italiano, portugués, latín e grego. Traduce linguas como o chino e o alemán. Home sinxelo intentou pasar desapercibido na súa vertente persoal pero foi considerado coma unha auténtica autoridade mundial na materia para a aprendizaxe do xaponés dos falantes de lingua inglesa.

O profesor Antonio Alfonso foi autor da gramática xaponesa máis coñecida, a "Japanese Language Patterns" (Paradigmas da Lingua Xaponesa), a mellor gramática de calquera lingua do mundo segundo a opinión do profesor Kuno da Universidade de Harvard e coñecida no propio Xapón como a Biblia do xaponés. É un estudo comparativo dos paradigmas do xaponés falado e da lingua inglesa para saber os problemas que tería un alumno de fala inglesa para aprender xaponés.

Resulta que, con 25 anos, o mozo Antonio Alfonso marcha ao Xapón interesado polo coñecemento da filosofía, a lingua e os pensamentos orientais. Alterna o ensino de xaponés no centro Sofía de estudos xaponeses en Tokio con outras universidades de Estados Unidos, sendo coñecido como profesor Anthony Alfonso, unha eminencia no mundo universitario anglosaxón e xaponés

Durante un ano ensina o xaponés en Honolulú (Hawai) e dende 1966 é catedrático de xaponés en Canberra, na Universidade Nacional de Australia. Aquí casa e ten dous fillos. Tamén escribe o "Curso Básico" da lingua escrita xaponesa en catro volumes. E por encargo do Goberno australiano elabora materiais ilustrados a toda cor, outros catro volumes, para o alumnado das ensinanzas medias que se teñen convertido no libro de texto oficial de todos os colexios de fala inglesa onde se ensina o xaponés. A difusión das súas obras foi enorme. Ao negarse a cederlle aos Xesuítas os dereitos de autor das súas obras, foi expulsado da orde.

O Goberno de Australia contrata ao profesor Antonio Alfonso Pardavila na súa condición de excepcional niponólogo, como asesor para a implantación da lingua xaponesa como unha segunda lingua opcional na currículo estudantil integrándoo como profesor da Universidade Nacional de Australia (UNA). Dende 1966 até 1987 ano no que se xubilou, despregou os seus coñecementos científicos da lingua xaponesa e o planeamento curricular adoptado en Australia.

Corre o rumor de que o profesor Alfonso se ofreceu ao Ministerio de Educación español para organizar os estudos de xaponés nas universidades españolas; pero que nunca recibiu resposta. Despois de xubilado exerce como especialista de Xaponés na Escola Oficial de Idiomas en Madrid e os libros de xaponés da súa autoría empregáronse nas escolas de idiomas de toda España, mesmamente na de Vigo.

A pesares da distancia xeográfica do seu traballo non se esquecería de Cangas e dos seus veciños. Escribe o mestre e investigador Xerardo Dasairas que Antonio Alfonso "visita en diversas ocasións e en curtas estadías o seu Aldán natal, retomando o contacto cos seus familiares e deixaría constancia de que non se esquecera do idioma galego nin da familia, a pesar da residencia continuada en países con idiomas diferentes. Con motivo da súa última visita, a súa figura tivo certo eco mediático e incluso se falou de homenaxealo ou dedicarlle unha rúa, asuntos estes que, a día de hoxe, aínda dormen no baúl dos proxectos adiados sen prazo de execución".

Antonio Alfonso Pardavila, o profesor Anthony Alfonso, como era coñecido internacionalmente,o eminente lingüista especialista en xaponés, faleceu o 11 de maio de 2007 na cidade australiana de Canberra, na que vivía.

E o xornal ABC dá conta nesa mesma necrolóxica que polos seus moitos anos no ensino nos países de fala inglesa, foi un dos poucos occidentais, distinguidos polo Emperador e polo Goberno xaponés, cunha das condecoracións de máis prestixio do Xapón. Comentábase que este natural de Aldán, cando falaba na lingua xaponesa, senón lle mirabas a cara, pasaba tranquilamente por un xaponés máis.

*Secretario de A.C. A Cepa e mestra de Cangas

Compartir en Twitter
Compartir en Facebook

Deportes Morrazo

El Alondras revoluciona la plantilla

El Alondras revoluciona la plantilla

Solo cuatro jugadores de la pasada campaña continúan en el proyecto de Antonio Fernández

Tirán quiere recuperar terreno en Zarautz

Tirán quiere recuperar terreno en Zarautz

La tripulación moañesa, con varias bajas, aspira a consolidar el séptimo puesto

Un día para batir todos los registros

Un día para batir todos los registros

La emblemática prueba reúne en el Miño a unos 500 deportistas en 404 barcos

Samertolaméu celebrará el título en casa

Samertolaméu celebrará el título en casa

El club de Meira, ya invitado a la Clasificatoria de La Concha, organiza este domingo la última...

El CN Rodeira organiza este fin de semana la Milla Náutica y la regata de las fiestas

El CN Rodeira organiza este fin de semana la Milla Náutica y la regata de las fiestas

Se espera que 120 nadadores participen en la prueba de mañana

 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Suscriptor | O Morrazo

Contenido exclusivo para suscriptores digitales
Laïka Fatien durante una de sus actuaciones. // WildBild
Laïka Fatien: "Me reconozco en los textos que canto"

Laïka Fatien: "Me reconozco en los textos que canto"

La artista francesa llega al Canjazz como uno de los platos fuertes de esta edición

Pepe Simón, amigo dos amigos e da cociña galega

Pepe Simón, amigo dos amigos e da cociña galega

Converteu Casa Simón nun afamado restaurante polas ostras, bos mariscos e a calidade dos seus pratos

Sinaí afirma a su salida del penal de Villabona que si fuese un VIP no habría pisado la cárcel

Sinaí afirma a su salida del penal de Villabona que si fuese un VIP no habría pisado la cárcel

Afirma que está tranquilo porque en el registro de su casa no "encontraron nada" y que es víctima...

Enlaces recomendados: Premios Cine