Merecida homenaxe a un sementador de esperanza e bondade

Veciños de Frades, Mesía e Bueu homenaxean a Pedro Santos Canosa

07.05.2017 | 03:31
O responsable de Cáritas Bueu, Álvaro Davila, un dos bos amigos de Don Pedro en Bueu. // L.G.

Estivo pouco tempo en Bueu. Apenas seis anos, entre 2009 e principios de 2015. Pero foi tempo suficiente para facerse un oco no corazón de moita xente, xa fosen asiduos da igrexa ou máis ben descreídos. Pedro Santos Canosa, "Don Pedro", finou en novembro do ano pasado e esta semana nas terras de Frades e Mesía, alá onde pasou moitos anos amigos e veciños brindáronlle unha sentida e emotiva homenaxe. Un recoñecemento que saía do máis profundo do corazón da xente coa que conviviu, traballou e sufriu ao longo de décadas. Entre os asistentes estaban tamén algúns dos amigos que deixou en Bueu, onde hoxe segue a ser recordado con gran cariño e añoranza.

A homenaxe foi no coñecido como Campo das Virtudes de Vitre, en Frades, e en primeiro lugar houbo unha misa na súa honra na capela. Logo, antes dun xantar comunitario, descubriuse un monolito no que estaba gravado o seu rostro e unhas verbas do coñecido músico Mero. "Crego, sementador de esperanza. Foise en silencio, déixanos un abrente de esperanzas".

Tamén houbo tempo para a música tradicional e para que as xentes que o coñeceron e trataron lembrasen a súa figura e personalidade, chea de bonhomía e dun sentido do humor ateigado de ironía.

A bo seguro que o único que tería lamentado o homenaxeado foi o feito de non ter estado presente, aínda que estaba no corazón de todos os asistentes.

Compartir en Twitter
Compartir en Facebook
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine