18 de febrero de 2017
18.02.2017

Unha homenaxe colectiva a Rosalía

Colectivos, colexios e Concellos preparan actos no 180 aniversario da poetisa

18.02.2017 | 04:28

O vindeiro 24 de febreiro cúmprense 180 anos do nacemento de Rosalía de Castro. Dende hai tempo existe a proposta para que esta xornada sexa declarada como o Día de Rosalía e dende os concellos e colectivos da comarca preparan numerosas actividades para lembrar a poetisa.

"Un grupiño de persoas relacionadas coa Asociación A Cepa" e do instituto María Soliño están organizando o recital de homenaxe a Rosalía de Castro que se celebrará o venres 3 de marzo no Auditorio de Cangas. Xa está confirmada a actuación da banda de gaitas María Soliña, de alumnado do Conservatorio ou da escola de música Staccato, todos de forma altruísta, como prólogo ao recitado de poemas a cargo de coñecidos persoeiros da cultura, dos colectivos sociais da comarca do Morrazo e tamén de calquera cidadá anónimo aos que os promotores convidan a participar. "Será algo similar ao ano pasado, con recitado de poemas da propia Rosalía, música, e moitas outras sorpresas", anuncian. Tamén se prevén proxeccións audiovisuais. "A idea é que cada persoa ou colectivo recite un texto de Rosalía, como en pasadas ocasións, pero, para evitar repeticións, agradeceríamos que comuniquedes o título que elexistes para non repetir textos", solicitan.No blog "acepacangas.blogspot.com" vai aparecendo a lista dos poemas xa seleccionados, para evitar que se repitan.

A idea dos organizadores é facer unha homenaxe colectiva a Rosalía de Castro no 180 aniversario do seu nacecemento (o 24 de febreiro de 1837, en Padrón), que se suma á que lle están facendo outros colectivos, como os comerciantes a través de Fecimo.

No colexio de Montemogos, na parroquia de Beluso, xa comezaron a celebrar o Día de Rosalía. As nenas e nenos de 6º de Prmaria recitaron textos da poetisa e todo o alumnado cantou "Has de cantar" ao son da música de Uxía Senlle, unha canción do libro "Rosalía Pequeniña".

Pola súa banda, o Concello de Bueu tamén organiza varios actos. Un deles será a proxección do documental "I ante aquel silencio mudo", de Marina Chiavegatto e Millán Castro. O pase será o venres 24, día no que se celebran 180 anos do nacemento de Rosalía de Castro, no Centro Social do Mar a partir das 20.00 horas. Por outro lado, durante toda a semana estarán dispoñibles en espazos públicos de Bueu unha serie de carteis con poemas de Rosalía, no marco dunha campaña de colaboración co IES Johán Carballeira baixo o nome "Libros á rúa".

Estes días os escaparates de moitos dos comercios asociados a Fecimo teñen unha decoración que forma parte da súa campaña para celebrar o Día de Rosalía, cun retrato e versos da poetisa. Os veciños que o desexen poden facerse unha foto, tipo "selfie", en calquera destes escaparates e subila ao facebook de Vive O Morrazo xunto a un comentario. Pódense subir tantas fotos como un queira, pero sempre en establecementos diferentes.

O prazo de participación estará aberto ata o 5 de marzo xa que a decoración estará nos escaparates unhas dúas semanas. O sorteo realizarase o martes 7 de marzo e o primeiro premio será un cheque-compra de 200 euros para canxear nas empresas asociadas a Fecimo e unha camiseta de Rosalía deseñada para a ocasión. Ademais tamén se repartirán outras 25 camisetas entre o resto de participantes.

Compartir en Twitter
Compartir en Facebook

Deportes Morrazo

Un partido de la primera jornada del Keniata cangués. // G. Núñez
Tapería O Pelao y Paja o Cuadro triunfan en el estreno de la Liga

Tapería O Pelao y Paja o Cuadro triunfan en el estreno de la Liga

Ambos vencieron por 5-2 a sus rivales - La competición arranca con 13 equipos, dos más que en la...

El Frigoríficos se despide de la Copa

El Frigoríficos se despide de la Copa

El conjunto cangués cae ante un Alcobendas que se impuso gracias a su velocidad

El Rápido Bahía ficha al delantero Rubén Millos

El Rápido Bahía ficha al delantero Rubén Millos

El punta procede del Cruceiro ä Estévez confía en recuperar a Moi, Aitor y Koeman

A Rectoral asalta el liderato de Primera

A Rectoral asalta el liderato de Primera

A Tribu dos Chaínco y Maikel&Best Sport firmaron tablas en su duelo particular

El Frigoríficos quiere imponer su ley

El Frigoríficos quiere imponer su ley

El conjunto cangués se estrena esta noche en la competición ante el Alcobendas

Tania Castiñeira, del Hebe, logra la medalla de oro en el Open de Serbia

Tania Castiñeira, del Hebe, logra la medalla de oro en el Open de Serbia

El Patiño Moaña suma nueve metales en el Open de Ribeira

 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine