12 de febrero de 2017
12.02.2017

Unha homenaxe para o mestre de mestres

A presentación de "A alborada dun soño" en Bueu convírtese nun tributo a Antón Corral

12.02.2017 | 03:11
A Banda de Gaitas Manxadoira, onte sobre o escenario do centro social no remate da homenaxe. // F.M.

Antón Corral (A Coruña, 1936) é unha das grandes figuras da cultura galega. Músico, artesán e mestre de grandes gaiteiros. En 2016 publicouse "Antón Corral. A alborada dun soño", escrito por Fina Fernández. A Librería Miranda de Bueu organizou onte a presentación que tiña prevista para decembro.

Ía ser simplemente a presentación dun libro. Dun libro sobre a súa figura. Pero acabou sendo moito máis. Toda unha sentida e merecida homenaxe a un mestre de mestres. A un gran artesán e defensor da cultura musical galega: Antón Corral, fundador, entre outras agrupacións, da Banda de Gaitas Xarabal.

Esta vez si puido ser. A finais de decembro estaba prevista a presentación do libro "Antón Corral. A alborada dun soño", escrito por Fina Fernández e publicado por Editorial Canela. Un libro que se abre cun prólogo dun dos discípulos e máis aventaxados alumnos de Corral: o gaiteiro vigués Carlos Núñez.Pero daquela un inoportuno problema de saúde obrigou a adiar o acto, que organiza a Librería Miranda. A Banda de Gaitas Manxadoira de Bueu xa lle tiña preparada daquela unha homenaxe e onte por fin puido levala a cabo.

Ao inicio do acto, e por sopresa, apareceu o músico Carlos do Viso, que coa súa zanfona interpretou "O romance de Don Gaiferos", unha poesía cantada que se supón datada no século XIII, e que narra a peregrinación a Santiago de Don Gaiferos, que en realidade era o duque de Aquitania Guillermo X. Contou que elexiu esta peza porque a descubriu precisamente a través do propio Antón Corral e completou a súa introducción coa foliada "A burriña".

A Banda de Gaitas Manxadoira tamén se sumou de maneira activa á festa. O seu director, Marcos Campos, que tamén é director de Xarabal, estaba na mesa xunto ao mestre. O resto dos membros estaban entre o público e en canto rematou a presentación erguéronse dos seus asentos e cos seus instrumentos brindáronlle outra homenaxe a Antón Corral. Interpretaron para el dous valses compostos polo exdirector de Manxadoira, Anxo Gago "Lito", que para tamén estaba para esta ocasión. Eses dous temas foron "Agulliña" e "Manxadoira", interpretados deseguido. O broche final á celebración foi a interpretación do himno galego.

Así, o que ía a ser unha presentación máis dun libro acabou convertíndose nunha sentida e emotiva homenaxe a un dos persoeiros clave da cultura galega e que se viu superado pola sorpresa e a emoción.

Compartir en Twitter
Compartir en Facebook

Deportes Morrazo

Martín Riobó bate registros y ya es campeón de España

Martín Riobó bate registros y ya es campeón de España

El piloto de Aldán se alza con el título junior con solo 15 años de edad

El Domaio perdona en exceso

El Domaio perdona en exceso

Los moañeses generaron muchas oportunidades en la segunda parte ante el Gran Peña, pero decidió un...

El Cambados no tiene piedad con el Bahía

El Cambados no tiene piedad con el Bahía

Los de Aldán caen goleados en un choque que se les puso en contra en el minuto 2

Bueu y Cotobade brindan un partido con seis goles y que acaba en tablas

Bueu y Cotobade brindan un partido con seis goles y que acaba en tablas

El Bueu se adelantó dos veces, pero no pudo mantener su ventaja

El Alondras persigue en Vilalba su primera victoria a domicilio

El Alondras persigue en Vilalba su primera victoria a domicilio

Sería el segundo triunfo consecutivo de los cangueses - El conjunto lucense, muy irregular, lleva...

 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine