| As persoas que desexen facer aportacións ou suxerencias a esta nova serie poden escribir ao correo cronicateatromorrazo@hotmail.com
A Asociación Liboreirode Bueu dinamizou as súas actividades culturais, entre elas a teatral. Trouxo ao grupo de teatro "Candea", de Noia, que representou na Lonxa de Bueu unha obra sobre a emigración que titulábase "Metá e metá".A representación comezaba deste xeito:
ROSA.- Collestes os panos da man?
ANDRÉS.- Collín, muller collín. Deixa agora iso. Atópaste ben? Vas ser valente como me dixestes? Non vas chorar?
ROSA.- Non...non...comerás o bocadillo no avión. Non te fíes da comida que che dan. Disque é moi mala.
ANDRÉS.- Pero, Rosa, se dentro de tres horas estou alá...
ROSA.- Xa sei, xa sei. pero ti es moi comedor.
ANDRÉS.- Que saberás ti se hai quince días que casamos!
ROSA.- Si, hai quince días, non hai dereito...(chora).
ANDRÉS.- Iso non....lembra o que me prometestes...
ROSA.- Perdoa...pero se o banco che prestase os cartos para o tractor, non terías que marchar...
ANDRÉS.- Xa sabes como son os bancos. Déixanlle os cartos a quen xa os ten. Anda, non fales diso,esgota. Escribirasme.
ROSA.- Todos os días! E ti tamén.