04 de noviembre de 2016

A última palabra, en galego

Bueu celebra o Día da Restauración Memoria Lingüística

04.11.2016 | 04:55

O cemiterio de Bueu acolle mañá un acto que promete ser moi especial, dentro do que se vén en denominar Día da Restauración da Memoria Lingüística. Un recordo aos que xa non están e un recordatorio de que o tránsito dende a "parroquia" dos vivos á dos mortos tamén se pode facer en galego.

"Na memoria de todos os que xacen aquí porque grazas a eles Galiza segue a ter lingua e cultura de seu". Este é o texto que rezará a placa que se ha descubrir mañá ás 17.00 h no cemiterio de Bueu, en Castiñeiras, dentro do Día da Restauración da Memoria Lingüística. Trátase dun acto que impulsa a Asociación de Funcionarios para a Normalización Lingüística e que nesta ocasión terá un dos seus escenarios en Bueu. Trátase dun recoñecemento a esas persoas que xa non están, que durante toda a súa vida falaron en galego porque "grazas a eles temos unha lingua e unha cultura propia porque eles foron os portadores de transmisión oral e dun patrimonio léxico, imaxinario, refráns ou lendas", explicaron onte o secretario deste colectivo, Xosé González, e a concelleira de Normalización Lingüística de Bueu, Silvia Carballo.

Os datos do Instituto Galego de Estatística (IGE) indican que anualmente morren en Galicia ao pé de 30.000 persoas. A gran maioría, ao redor dun 75%, usaban o galego como lingua principal. Unha porcentaxe que logo non se ve reflectida, nin de lonxe, nas lápidas que hai nos camposantos. "Só unha de cada mil lápidas están escritas en galego e apenas o 2% das esquelas que se publican nos medios de comunicación están tamén en galego", apunta Xosé González. Todo a pesar de que Galicia é probablemente é un dos lugares de España onde existe probablemente a máis importante antropoloxía e cultura ao redor da morte, como demostra o feito de que os cemiterios estén ao pé das parroquias e moi preto das zonas habitadas.

Esta xornada celébrase cada ano en distintos concellos de Galicia coincidindo co mes de Santos e Defuntos e nesta ocasión Bueu é un dos municipios que se suma a esta iniciativa. "Estamos acostumados a traballar a normalización en distintos eidos, algúns moi trillados, pero hai outros moi cotiás nos que non reparamos", recoñecía Silvia Carballo. Xunto a eles estaba o deputado de Lingua e Cultura da Deputación, Xosé Leal, que subvenciona a iniciativa.

A celebración do sábado tamén terá outra parte de máis contido xa que os asistentes terán a oportunidade de asinar unha sorte de lectura de vontades, un documento no que expresan de maneira razoada que as súas exequias se fagan en galego. "É unha forma de recuperar as que antigamente se denominaban 'mandas testamentarias' e de legar un ben inmaterial, como é a lingua", argumenta González. Con este Día da Restauración da Memoria Lingüística "queremos honrar a xente que nos transmitiu a lingua", di á súa vez Silvia Carballo, e que apunta que tamén é unha reflexión para facer ver que o galego tamén é unha lingua válida no tránsito dende a parroquia dos vivos á dos mortos. Con independencia de que haia que negociar con San Pedro para entrar no Reino dos Ceos ou negociar co diaño unhas mellores condicións alá abaixo no inferno.

Compartir en Twitter
Compartir en Facebook

Deportes Morrazo

"Siradella", "Santiago Roma" y "Camarón Veinte" ganan la Guardiamarina

"Siradella", "Santiago Roma" y "Camarón Veinte" ganan la Guardiamarina

Las flotas de Pontevedra y Muros dejan a Vigo sin victorias

El Cangas necesita una carambola

El Cangas necesita una carambola

El Frigoríficos debe ganar al Bidasoa y esperar una derrota de Aranda o Benidorm

El Frigoríficos busca la sorpresa en León

El Frigoríficos busca la sorpresa en León

Filip Vujovic, recuperado de su esguince de tobillo, entra en la convocatoria por Serafín

Bueu organiza hoy y mañana el Territorial Sur

Bueu organiza hoy y mañana el Territorial Sur

Nueve clubes compiten en la clasificatoria, que coincide con la Bandera de Bueu

La fase final reunirá a 280 competidores

La fase final reunirá a 280 competidores

El Vila de Cangas celebrará el torneo el sábado 27 en el pabellón de Rodeira

 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Suscriptor | O Morrazo

Contenido exclusivo para suscriptores digitales
Enlaces recomendados: Premios Cine