Cangas celebra hoxe no salón de plenos os actos de homenaxe a Rosalía de Castro

Comezarán ás sete da tarde e inclúen música de gaitas, vídeos e un recital poético

27.02.2016 | 02:54

Cangas colle hoxe o testigo dos actos de homenaxe a Rosalía de Castro que os concellos de Moaña e Bueu xa celebraron o mércores, día 24, coincidindo co día de nacemento da ilustre escritora. Comezarán as sete da tarde no salón de plenos como homenaxe colectiva no que participan os colexios, institutos, o Conservatorio municipal, a Escola de Música Staccato, a banda de gaitas María Soliña, así como escritores e particulares de Cangas e doutros lugares do Morrazo.

A programación comezará ás sete da tarde cun acto de benvida diante do consistorio a cargo da banda de gaitas e percusión María Soliña, previo á proxección dunha selección de vídeos no salón de plenos. A continuación haberá un recital poético con máis dunha vintena de participantes. Entre eles figuran Quique Harguindey, Nelson Quinteiro, Xosé Vázquez Pintor, Camilo Camaño, Luis Chapela, Lina Santiago, Héitor Mera, Carme Durán, Pilar Fernández ou Xosé Manuel Pazos.

Tamén intervirán Xoana Santos e Estela Suárez (autoras da curta de animación "Negra sombra"), os colexios de San Roque, Monte Carrasco, Sagrada Familia, Castrillón, Espiñeira, Compañía de María, Rodeira, María Soliño e IES As Barxas, de Moaña, así como Liz & Blacksoul Band. Pechará o acto a banda María Soliña coa interpretación da Marcha do Antigo Reino de Galicia.

Compartir en Twitter
Compartir en Facebook
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine