ficha persoal

"Tras nove meses de traballo, a orquestra está no seu punto álxido"

Esta noite presentan o novo repertorio nun concerto no Auditorio, con entrada de balde

06.06.2014 | 01:28
Alberto González Avilés, onte, no Auditorio de Cangas.

n Máis dun cuarto de século como docente entre a Escola e o Conservatorio de Música e unha longa traxectoria como compositor e director. Tivo mestres como Aldo Ceccato e Helmut Rilling, entre outros. Está á fronte do Proxecto Orquestral desde a súa creación, en 2007.

Despois de nove meses de traballo para ensaiar o novo repertorio, o Proxecto Orquestral, con máis de medio centenar de músicos e mestres do Conservatorio e a Escola de Música de Cangas, sube hoxe ao escenario do Auditorio (21.30 horas, entrada de balde) para ofrecelo ao público. O sábado 21 estará no Teatro Principal de Pontevedra, mentres comezan as gravacións para o que será o cuarto disco en sete anos de existencia.

-O Proxecto Orquestral naceu en 2007 e non tardou en consolidarse. Como se consegue artellar unha proposta que semella tan complexa?

-A idea de profesores e alumnos foi darlle unha saída práctica á formación instrumental máis alá dos concertos de Nadal e fin de curso. É complexa de xestionar en moitos aspectos, porque está formada por xente variopinta. A principio eran 28 músicos e agora son 60, a franxa de idade vai desde os 12 ou 13 anos ata os 50, e tamén hai que lidiar coas obrigas académicas ou profesionais dos seus membros, con outras actividades que teñen, coas súas afeccións ou cos cambios xeracionais e a incorporación anual de integrantes. Aínda así logramos xuntarnos unha vez por semana e tamén se tralla por seccións, en fragmentos concretos.

-Supoño que todo iso hai que telo en conta á hora da orquestración, da que vostede se encarga.

-Claro, inflúe á hora de escribir a música ou adaptala para a orquestra. Hai que saber o que queremos facer contando coas ideas e gustos máis diversos. Ademais, neste proxecto hai outras peculiaridades, porque temos corda, familia completa de clarinetes, piano, vento-metal e percusión. Faltarían oboes, frautas e fagotes [tampouco hai profesorado para impartilo], pero cúbrense esas lagoas con arranxos, sen que se note.

-Cales son as características do repertorio que interpretan?

-Mantemos algúns do ano pasado, pero case todo o repertorio se vai modificando, porque a renovación do Proxecto Orquestral é permanente e cada ano que comeza é unha incógnita, ilusionante, que se presenta. Son o compositor das obras propias e arranxista doutras xa coñecidas, como bandas sonoras de películas e obras clásicas. Queremos que os membros se sintan identificados cos temas que interpretan e as disfrute o público.

-Que novidades lles presentan este ano á audiencia?

-O programa do concerto divídese en dúas partes. Na primeira hai cinco temas: "Metamorfose sobre Cantique de Noël, de Adam; "Memorias de África", de John Barry; "Romance del diablo", de Astor Piazzolla; "O violinista no tellado", de Brook e Williams; e o tema final do primeiro acto de "O fantasma da ópera", de Lloyd Webber. Na segunda parte interpretamos "Slave children´s crusade", de John Williams; "Feather theme", da banda sonora orixinal de "Forrest Gump", de Alan Silvestri, e unha suite sinfónica sobre "O príncipe de Exipto", de H. Zimmer e adaptada por min para esta ocasión.

-Por que escollen sempre estas datas para a xira de concertos diante do público?

-Ven marcado polo curso escolar, a rodaxe e as vacacións. Temos detrás nove meses de traballo intensísimo, un gran esforzo dos alumnos e dos seis profesores que traballamos no proxecto, un concerto de Nadal e outro de fin de curso, pero é agora cando a orquestra está no seu punto álxido. Hai que entregarse a fondo para que ese esforzo se visualice e, sobre todo, por respeto ao público que nos escoita.

Compartir en Twitter
Compartir en Facebook

Deportes Morrazo

El piloto cangués Martín Riobó, en San Amaro. // Santos Álvarez
Estreno mundial de Martín Riobó

Estreno mundial de Martín Riobó

El piloto cangués completa su primera participación en el Mundial de Trial - Lidera también el...

Humildad tras la merecida goleada

Humildad tras la merecida goleada

Antonio Fernández pide a sus jugadores tener "los pies en el suelo" tras debutar con un 6-1 al Noia

Pablo Cabello y Javier Lago se imponen en clase Vaurien en Cangas

Pablo Cabello y Javier Lago se imponen en clase Vaurien en Cangas

Martín Wizner y Pedro Ameneiro ganan en clase 420

El Lalinense pasa a cuartos

El Lalinense pasa a cuartos

Vence al Luceros en un choque decidido en la prórroga ä Arón anotó 14 goles

Tirán pincha en las olas de Zarautz

Tirán pincha en las olas de Zarautz

La embarcación de Moaña reacciona en el último largo pero no evita el penúltimo puesto

La salvación como objetivo tras cambiar casi toda la plantilla

La salvación como objetivo tras cambiar casi toda la plantilla

El Moaña de Miguel Fernández se presenta ante su afición - Solo repiten 5 jugadores

 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine