Unha panxoliña como felicitación

REDACCIÓN - O MORRAZO Os alumnos dos centros educativos de Cangas acudiron onte ás residencias de día da localidade para estar cos maiores e felicitarlles o Nadal, unha felicitación que lles transmitiron en xeito de panxoliña. Os estudantes do IES Montecarrasco acudiron ás instalacións de Sanidía, sitas na parroquia de Darbo, mentras que os do colexio Virxe Milagrosa estiveron en Tendelaman, ó lado da Casa da Cultura de Rodeira.
Neste caso, tamén tiveron a ocasión de coñecer o funcionamento diario do centro: colaboraron no aperitivo que se lle sirve ós usuarios á media mañá, fixeron con eles puzzles e participaron nos obradoiros de memoria. En total, acudiron 26 estudantes do sexto curso de Primaria e que remataron a súa visita cantando as panxoliñas.
No caso do IES Montecarrasco, a actividade de onte foi o resultado final dun traballo iniciado hai xa varias semanas. Un grupo de alumnos do instituto e a coordinadora do Equipo de Normalizacióne Dinamización Lingüística xa estiveron nas instalacións de Sanidía con anterioridade. Alí fixeron unha recollida das panxoliñas que se cantaban tradicionalmente nesta zona e onte acudiron de novo para "cantar" o seu traballo ós usuarios.