Agora, máis Nadal que nunca

A campaña navideña da Federación de Comerciantes e Industriais do Morrazo (Fecimo) é xa unha das citas ineludibles na comarca durante estas festas. Os comerciantes presentaron onte a edición de 2009, na que un ano máis volven contar co apoio de Caixanova, e na que participan máis de 300 comercios de Cangas, Moaña e Bueu. Dende os próximos días comezarán a repartir nas bolsas da compra os boletos da sorte, que os veciños deberán cubrir e depositar nalgunha das furnas repartidas polos establecementos adheridos á campaña.

REDACCIÓN - O MORRAZO A árbore de Nadal de Fecimo este ano vén cargada de desexos relacionados coa esperanza, ilusión, compañeirismo, felicidade, prosperidade ou solidariedade e cun lema mo claro: "Máis Nadal que nunca no Morrazo". Os responsables da federación de comerciantes, acompañados por responsables de Caixanova, presentaron onte a campaña deste ano 2009 e na que participarán un total de 348 comercios dos municipios de Cangas, Moaña e Bueu. Nesta ocasión haberá un gran premio de 10.000 euros e outros seis de 500 euros, que se repartirán en forma de cheques de compra. As festas navideñas tamén se farán patentes nas tendas cunha decoración especial e co reparto de bolsas cun deseño específico para estas datas tan significativas.
Segundo apuntou onte o presidente de Fecimo, Xosé Bangueses, está previsto repartir ó redor de 400.000 boletos entre todas as persoas que fagan as súas compras nos comercios que participen nesta campaña. Os veciños só teran que cubrilos, depositalos nalgunha das furnas repartidas polas tendas ... e agardar que a sorte lles sorría. O lema deste ano, cun ton manifestamente positivo, tenta ser unha clara contraposición á situación de crise económica. "Nós traballamos en positivo e apostamos por unha comarca viva e activa máis aló deste decaimento", suliñou Bangueses.
O acto de presentación de onte tamén serviu para facer unha radiografía ó actual panorama do comercio no Morrazo. "Neste exercicio houbo algún peche, sobre todo de comercios de recente apertura, pero tamén houbo novas iniciativas. A nosa comarca está resistindo con respecto ás cifras apabullantes doutras zonas de Galicia", insitiu o máximo responsable de Fecimo. E puxo como exemplo o caso de Vigo, onde "houbo máis de 700 peches".
Xunto a Bangueses estaban representantes de Caixanova, entidade a que lle fixo un dobre agradecemento: o seu apoio técnico e financieiro nesta campaña e que mantivese abertas as liñas de crédito para os comerciantes. Os responsables da caixa tamén certificaron a fortaleza do tecido comercial de Cangas, Moaña e Bueu e salientaron que detectaron un aumento do 20% no uso da súa tarxeta comercio.