Un velorio para morrer de risa

"Nazaria, Daría e Aurora son tres irmáns xa anciáns que viviron toda a vida xuntas nunha gran casona de pobo. Esta noite de xoves están reunidas para velar o cadáver do marido de Nazaria, a única que casou, e acompañadas por Ulpiana, a fiel criada de Nazaria. Será ao redor deste velorio cando saian á luz as eternas querelas entre as irmáns e eses segredos ocultos que permanecen alí, latexantes, durante cincuenta anos". A historia e o desenlace de "Atra bile" poderán revivirse durante seis días no Auditorio de Cangas, por obra e gracia de Teatro de Ningures.

G.M.P. - CANGAS Casilda Alfaro, Sonia Rúa, Josi Lage, David Novas e Fran Paredes, baixo a dirección de Etelvino Vázquez, integran o reparto de "Atra bile", escrita pola madrileña Laila Ripoll e que xa ten acadado importantes éxitos de crítica e público. Será o cuarto espectáculo que estrea este ano Teatro de Ningures, que o considera a peza estrela do seu repertorio. No Auditorio de Cangas será, ademais, por sextuplicado, xa que as representacións comezan hoxe ás nove da noite e rematan o vindeiro xoves á mesma hora. O resto das sesións terán lugar o domingo ás oito da tarde, e o martes e mércores ás 11 da mañá, orientada aos estudiantes, aínda que aberto a todo tipo de público. A entrada custa catro euros, e a metade para estudiantes e xubilados.
"Será a primeira vez nos oito anos deste Auditorio que se realicen seis representacións ao longo de unha semana. Iso é difícil que suceda ata nas grandes cidades", sinalou onte o director da sala municipal, Juanjo Pérez, durante a presentación do cartel. "É unha aposta arriscada para consolidar o teatro de xeito estable, e os cidadáns non terán excusas para non asistir por falta de días", añadió. A iniciativa enmárcase na formalización de Teatro de Ningures como compañía residente en Cangas, unha das cuatro de Galicia con esta distinción, e grazas ás axudas da Concellería de Cultura e da Xunta. "É un paso adiante, pero se a xente non participa non somos nada", manifestou Salvador del Río, responsable da producción.
Ademais de "Atra bile", que califican como o seu "producto estrela", a compañía ten en cartel outras obras: "O desembarco turco-María Soliña", que se representou dúas veces este ano no casco histórico cangués; "Os cómicos dell auto", un espectáculo itinerante de rúa; e "Ñaque, ou de piollos e artistas", unha obra de pequeno formato coa que a compañía ten previsto realizar unha próxima xira polas parroquias e os institutos de Cangas.
Os seus membros destacan a aposta de Teatro de Ningures pola difusión teatral, pero tamén pola docencia, e nesa dirección se orienta tamén a Escola Municipal de Artes Escénicas, que retomou a actividade recentemente, despois do descanso estival, e que está a ter unha boa acollida. O director do Auditorio quixo recalcar a boa sona que ten en Galicia esta compañía, ben gañada, e que atribúe á súa "factura impecable e á firme aposta pola calidade".