Loito por un mestre de mestres

Manuel Omil finou o venres e era moi querido

 22:26  
Manuel Omil (á dereita) nunha partida con Sergio Estremera, logo campión de España.  // Club Xadrez Bueu
Manuel Omil (á dereita) nunha partida con Sergio Estremera, logo campión de España. // Club Xadrez Bueu 

Manuel Omil Estévez é un referente no municipio de Bueu. Foi o profesor de varias xeracións, director e fundador da Coral Agarimos e unha das persoas que contribuiu activamente á difusión e divulgación do xadrez no municipio. As súas ensinanzas non cairon en saco roto e algúns daqueles mozos nos que puxo a semente deste xogo/deporte fundarían anos máis tarde o Clube Xadrez Bueu. Eles lembráronse do maestro xa no ano 1990, cando lle organizaron unha homenaxe. A última que recibiu foi este verán, nun acto organizado pola Coral Polifónica de Bueu.

D.G.P. - BUEU Bueu acaba de despedir a un dos seus veciños máis queridos. Manuel Omil Estévez finou o venres aos 83 anos de idade e era alguén moi especial na vila. Foi un deses mestres de mestres e polas súas aulas pasaron varias xeracións de buenenses e a maioría deses antigos alumnos lémbrano cun gran cariño. Con toda unha vida adicada á docencia, Manuel Omil foi dando clase nas distintas ubicacións das escolas de Bueu ata rematar no colexio de A Pedra.

A súa especialidade eran as Matemáticas, pero sempre atopou tempo para as súas outras paixóns: a música, o xadrez e os pasatempos. Precisamente pola súa labor musical foi homenaxeado, xunto a outros veciños da vila, pola Coral Polifónica de Bueu. Contan que aprendeu a tocar o acordeón ás agachadas; formou a orquestra Cherson xunto a Rosendo Corral, Chita, Enrique Levita, Manolo da Crega e Santiago Ferradanes; foi membro fundador e director da Coral Agarimo, a máis antiga do municipio; formou parte do coro parroquial e incluso foi organista na igrexa de Bueu.

Os que o coñeceron lembran o seu carácter afable e cariñoso cos máis pequenos (era frecuente que lles dese caramelos, caramuxos, castañas...) e a súa gran cultura. Durante algún tempo andivo embarcado na recollida de léxico e vocabulario propio da comarca do Morrazo. Sen embargo, ese traballo quedará inédito porque segundo el mesmo lle confesou ós interesados en publicalo extraviou aquelas notas.

O recoñecemento feito pola Coral Polifónica de Bueu non foi o único que recibiu en vida e en Bueu, na súa vila. A eses alumnos ós que educou e formou como persoas tamén lles tentou transmitir algo do seu querer polo xadrez, un xogo/deporte de moita lóxica e no que as matemáticas tamén teñen algo que ver. Algúns deles, como Ramón Santaclara, foron os que impulsaron a creación do Clube Xadrez Bueu e no ano 1990 decidiron rendirlle unha homenaxe pública a él e a outros pioneiros do xadrez na vila. Durante aquel acto, Manuel Omil Estévez tamén deixou constancia da súa enorme humildade. Lembran que daquela afirmou: "En realidade son eu quen debería facervos a vós esta homenaxe pois estades levando adiante o que nós non fomos capaces". Máis dende o Club Xadrez Bueu retrucan dicindo que "sen os seus pasos, ningúns dos outros que virían despois serían posibles".

  HEMEROTECA
Caja Negra        O Bichero         Floreano
Opinión
Javier Manchado
Los detalles particulares de la vida del Morrazo no pasan en balde ante O Romepolas más »
Síguenos en...
  LA SELECCIÓN DE LOS LECTORES
 LO ÚLTIMO
 LO MÁS LEÍDO
 LO MÁS VOTADO
¿Qué piensa hacer hoy? ¿Tiene algún plan para el fin de semana? Consulte todos los eventos culturales en nuestra agenda... más »




Le ofrecemos un espacio propio para hablar de lo que más le guste. Cree un blog en el espacio que Faro de Vigo pone a su disposición... más »




Contemple la Ría de Vigo en directo desde la cámara situada en la sede de Faro de Vigo, situada en Chapela... más »
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya