REDACCIÓN - CANGAS
O libro conta cunha aproximación á aldea de Vilanova escrita por Patricia Novas Menduíña, e as fotos foron cedidas por familiares e amigos de Ubaldo Lemos, e aportacións do arquivo de A Cepa. Tamén cun suplemento fotográfico sobre a aldea, o Entroido de Vilanova e de Donón e as moitas actividades nas que participaba Ubaldo e os seus veciños da parroquia do Hío. Todas as que sirven para manifestar a alegría de vivir.
"Cangas conta escondidos nos seus sulcos varios personaxes, como Serafín Graña, Cecilio Rial, Eugenio Carballo, Tenreiro, Pepe Santos o Poeta, ou o propio Ubaldo Lemos. Todos eles souberon contar as excelencias da súa terra sen esquecer a reivindicación e máis a sorna. A través deles aparece a voz do pobo e retrátase o mellor da alma do galego: e seu espírito de superación e de traballo e o seu amor pola terra e pola xente". Son palabras que forman parte da introducción do libro, e que onte foron lembradas na presentación que fixeron membros das asociacións O Arco e A Cepa.
Agora, Sara Lorenzana
O traballo de recuperación histórica de Cangas continúa por parte de A Cepa, que xa está a traballar na edición dun libro sobre os vínculos da escritora Sara Lorenzana co Morrazo. Nacida o 1 de abril de 1878, quérese aproveitar a mesma data de 2010 para darlle luz ao volume de investigación sobre esta muller que conta cunha vintena de obras bibliográficas e seica o seu pai puido estar vencellado ás conserveiras canguesas. Pero rastrexar na súa vida non é doado, e nesa tarefa traballan Xela Cuñarro e Sara Carballo.
Tamén para 2010, ainda que en datas das festas de Darbo, está prevista a publicación dun libro sobre Cecilio, poeta popular que lle dará continuidade á colección iniciada por Pepe Santos e por Serafín. Onte, os membros da asociación disfrutaron dunha sardiñada no Balcón do Rei, que ademais serviu para render homenaxe a Héitor Mera, autor da primeira tese en galego da UNED, sobre Bernardino Graña.
01:25
Videos
IMPRIMIR PÁGINA »
AUMENTAR TEXTO »
REDUCIR TEXTO »
.jpg)
