morrazo

O penúltimo enterro de Casal

O enterrador municipal de Bueu acaba de xubilarse despois de 25 anos de oficio

 18:23  
José Luis Otero Ferradás, coñecido como Casal, onte no paseo marítimo de Bueu.
José Luis Otero Ferradás, coñecido como Casal, onte no paseo marítimo de Bueu.  Gonzalo Núñez

Durante os últimos vintecinco anos foi o encargado de dar sepultura a gran maioría dos mortos que se rexistraron no municipio. Foron tantos que xa nin el mesmo sabe a canta xente enterrou. Pero agora chégalle a hora da xubilación e de colgar os bártulos. Onte foi o último día de traballo para Casal, o enterrador do Concello de Bueu, e toma a cousa con moito humor. Non é un home supersticioso e nunca entendeu moi ben as andrómenas e reparos dalgunha xente. "Hai persoas que teñen demasiada imaxinación, éste é un traballo como outro calqueira", sentencia.

D.G.P. - BUEU O seu nome é José Luis Otero Ferradás, pero case ninguén o coñece como tal. En Bueu é sinxelamente Casal, o home que durante os últimos vintecinco anos enterrou a maioría dos mortos da vila. Da igual que fose en Bueu, Cela, Beluso ou na aldea de Ermelo. “Se te chamaban daba igual que fose domingo ou día santo”, conta o xa ex enterrador. Onte foi o seu derradeiro día de traballo xa que acaba de xubilarse tras cumprir 66 anos. Pola mañá fixo o simbólico traspaso de poderes, entregando as chaves dos camposantos ó capataz da brigada de obras.

“É un oficio como outro calqueira, non ten nada de especial”, asegura. Sen embargo, antes de chegar a ser o enterrador municipal deu unhas cantas voltas. “Eu era carpinteiro. Cando quedei no paro chamáronme para vir para o concello. Estiven de peón de albanel, no camión do lixo, de varrendeiro...”, rememora agora. Tamén lle axudaba ó sepultureiro que traballaba naquel momento. “Cando tivo que marchar por unha enfermidade quedei eu provisionalmente. Despois de dous anos quedei coa praza, supoño que eu era o que máis acostumado estaba ó traballo”, conta Casal, que admite que “a min gustábame”. Co paso do tempo, viuse incluso na tesitura de ter que enterrar ó seu antecesor no cargo, un home chamado Benito.

Non é nada supersticioso e non entende moi ben as reticencias ou comentarios dalgunha xente. “Eu nunca vin nada raro nos cemiterios. Penso que hai xente que ten demasiada imaxinación. O de enterrador é un traballo máis e alguén terá que facelo”, dí. “Estaba como na casa. Non o fixen nunca, pero creo que podería durmir alí mesmo”, sentencia. Nin superstición nin temor algún, porque como enterrador el tamén era o responsable de pechar os cemiterios todos os días. “No inverno as oito xa era de noite. Sempre daba unha volta polo interior e daba unhas voces por se aínda quedaba alguén dentro”, indica Casal.

Aparte de sentido común, tampouco lle falta sentido do humor. “Que se enterrei a algún vivo? Se ían vivos ou mortos non che sei, que eu non son forense. Eu poñía a porta, daba a masa, facía os ‘llanos’ e listo. Ninguén viu nunca a petar na porta”, asegura cun medio sorriso.

Traballo duro

Casal encargouse dos catros cemiterios do municipio dende o ano 1985 e as cousas cambiaron bastante dende aquela. “Antes o traballo era máis duro. Había que varrer, cortar a herba, botar o lixo fora, baldear...”, explica. A carga foise alixeirando cando se pavimentaron os camiños interiores dos camposantos, algo que agradeceu bastante, sobre todo no caso de Cela. Aínda así, admite que a el xa non lle tocou a época das sepulturas no chan e de cavar coa pala na terra.

  HEMEROTECA
Caja Negra        O Bichero         Floreano
Opinión
Javier Manchado
Los detalles particulares de la vida del Morrazo no pasan en balde ante O Romepolas más »
Síguenos en...
  LA SELECCIÓN DE LOS LECTORES
 LO ÚLTIMO
 LO MÁS LEÍDO
 LO MÁS VOTADO
¿Qué piensa hacer hoy? ¿Tiene algún plan para el fin de semana? Consulte todos los eventos culturales en nuestra agenda... más »




Le ofrecemos un espacio propio para hablar de lo que más le guste. Cree un blog en el espacio que Faro de Vigo pone a su disposición... más »




Contemple la Ría de Vigo en directo desde la cámara situada en la sede de Faro de Vigo, situada en Chapela... más »
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya