EN DIRECTO
XOSÉ LÓPEZ - Recuperador de xoguetes 

"Os xoguetes antigos axudan á relación interxeracional"

A Casa da Xuventude pecha unha mostra con máis de 200 enredos tradicionais.

 03:18  
Pepe López e Manolo García, disfrutando dos xoguetes na Casa da Xuventude.
Pepe López e Manolo García, disfrutando dos xoguetes na Casa da Xuventude.   // Gonzalo Núñez

G.M.P.  Cangas
A Casa da Xuventude de Cangas pecha hoxe a exposición "Tempo de xogar", que recolle o traballo de recuperación de xoguetes tradicionais realizado desde hai máis de unha década por Xosé López e Xosé Manuel García, dous lugueses de Lourenzá que dispoñen xa de máis de 200 xoguetes xurdidos noutras épocas e que recuperan a actualidade. Manolo, máis reservado, é o encargado de debuxalos e darlle a forma definitiva, mentres Pepe recolle todas as notas útiles no seu caderno, e fai de voceiro á hora da entrevista.
- Como empezou esta afección por recoller e reproducir xoguetes antigos?
- Foi a finais de 1996 cando empezamos a falar desa posibilidade que nos parecía moi interesante, Manolo debuxa fenomenal, e eu empecei a anotar nun caderno as notas que nos servirían como base para o traballo. Coas primeiras pezas, en 1999 fixemos a primeira exposición na nosa vila, Lourenzá (Lugo), que deu pé para que a xente comezara a falar do tema e a traernos información, mesmo sen pedirlla. Naquel arranque xa logramos xuntar 70 pezas, que nos serviron para empezar a medrar.
- ¿Cantas pezas son orixinais e cantas reproduccións?
- Só media ducia de pezas son de época: a carrilana, a bicicleta de madeira, a chave de ferro, algún trompo... As demais están construidas a partires da observación e da referencia dos informantes, que nos foron diciendo como se facían. Manolo tállaos e logo comprobamos na práctica que funcionan e imos retocándoos para perfeccionalos. Algúns dos xoguetes tamén os fixeron os propios informantes, a maioría persoas maiores.
- ¿Cando empezaron a ser coñecidos fóra das lindes do seu pobo?
- Despois de acumular unha boa colección, fixemos unha mostra no instituto de Tui, e chamou bastante a atención. De seguido publicáronse dous libros, co título "Xoguetes esquecidos", onde aparecen recollidos 120 enredos tradicionais. E aínda temos material para outros tantos...
_- ¿Hai xoguetes característicos segundo as distintas zonas xeográficas?
- Cada lugar ten os seus materiais e os seus costumes. No Morrazo, por exemplo, é lóxico que se reproduzan chalanas a escala ou canas de pescar, porque é unha zona de mar e a xente está familiarizada con ese medio. No interior de Galicia abondan os xogos feitos con cascas de noces, figuras de castaño ou carballo, e outros elementos máis vencellados á súa riqueza natural.
_ ¿E a denominación, é mesma en todos os lugares?
_- Claro que non, varía segundo a zona. Por exemplo, aquí descubrimos que en Cangas, Moaña ou Bueu todo o mundo lle chama cachiza a un xogo que nós coñecemos por billarda ou estornela. É curioso, porque nunca escoitaramos ese nome. Pero iso é bo, porque reflexa a variedade e riqueza, non só de xogos e xoguetes, senón tamén de maneiras distintas de chamarlle. Estes intercambios sirven para seguir aprendendo.
- Con tanto por mostrar, ¿non sería apropiado constituir con todas estas pezas un museo do xoguete?
- Habería que buscar unha fórmula para que sexa algo vivo. Non nos parece axeitado facer un museo só para ter alí as pezas, senón que deberían servir para motivar a aprendizaxe, con paseos pedagóxicos e didácticos, e enmarcalos nun contexto. Un dos pasos que xa se está dando, e que tamén realizamos en Cangas, é repartir fichas entre os rapaces para que recollan datos de xoguetes entre os seus maiores. Así favorécese o intercambio entre xeracións e seguimos medrando en coñecemento.

  HEMEROTECA
Caja Negra        O Bichero         Floreano
Opinión
Javier Manchado
Los detalles particulares de la vida del Morrazo no pasan en balde ante O Romepolas más »
Síguenos en...
  LA SELECCIÓN DE LOS LECTORES
 LO ÚLTIMO
 LO MÁS LEÍDO
 LO MÁS VOTADO
¿Qué piensa hacer hoy? ¿Tiene algún plan para el fin de semana? Consulte todos los eventos culturales en nuestra agenda... más »




Le ofrecemos un espacio propio para hablar de lo que más le guste. Cree un blog en el espacio que Faro de Vigo pone a su disposición... más »




Contemple la Ría de Vigo en directo desde la cámara situada en la sede de Faro de Vigo, situada en Chapela... más »
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya