EN DIRECTO

Javier López Casqueiro, mariñeiro xubilado homenaxeado pola C.P. de Bueu: "O mar era a nosa cultura, era o que sabiamos facer"

 
Javier López Casqueiro no peirao de embarque en Bueu. / Gonzalo Núñez
Javier López Casqueiro no peirao de embarque en Bueu. / Gonzalo Núñez 

O II O Son do Mar ás 20:00 horas no Centro Social do Mar de Bueu

Manuel Piñeiro González / Bueu
Javier López Casqueiro é un xubilado do mar de 78 anos, expoñente dunha vida entregada á pesca nas moitas e variadas das artes que houbo e que hai. Ben pode ficar coma símbolo dunha época na que os mariñeiros sustentaron a economía de Galicia. A experiencia que acadou, traducida en humildade faino sentirse orgulloso de ser un máis de moitos mariñeiros que día a día axudaron a construír a sociedade galega de hoxe. Mais a Coral Polifónica de Bueu considerou que debía ser homenaxeado hoxe, no segundo festival O Son do Mar; encontro de corais no que participarán, ademais da devandita, as agrupación polifónicas Queixumes do Hío, Eixil de Cedeira e Valladares. Será ás 20:00 horas no Centro Social do Mar.
- Toda unha vida adicada ao mar cunha traxectoria cambiante e diversa, e agora ven unha coral polifónica da súa vila natal e fanlle un recoñecemento, ¿que lle parece?
- A verdade é que só podo dicir que calquera mariñeiro meréceo máis que un servidor. Non creo que destacase por riba doutros moitos compañeiros.
- Fagamos un pouco de memoria, ¿cando comezou na profesión mariñeira?
- Pois ós doce anos comecei a ir ao mar, pero sendo máis meniños xa íamos ó porto a pescar, cando íamos a escola de Don Guillermo, onde eramos cento vinte ou así. Uns se sabía que ían para estudiar: o fillo do médico ou dos gardas, pero os demais, non pasabamos de grao medio. Mais, estudiamos fóra da escola, porque daquela era moi rara. Era o que sabiamos facer, era a nosa cultura: o mar. Xubileime aos sesenta e cinco.
- Embarcou e...¿ en que oficios de pesca traballou?
- Pois comecei por artes de baixura: pola rapeta, o bou, o xeito, o arrastre, a ardora e ao palangre. Tralos vinteun meses de servizo militar volvín para casa e comezaba a introducirse o marisqueo de ameixa con vara. Era xa o 1952. E alternaba isto con ir pescar bonito nos portos de Bueu, Marín, Aldán ou Vigo. Terminei indo ás betas de faneca e pescadilla, e as nasas tamén. Xa alá polo 1977 fíxenme patrón maior, pero era unha época difícil, debido o cambio de réxime. A xente estaba acostumada ao xeito tradicional e a modernización víñanos un pouco grande. Pero, xa se sabe, en época de cambios sempre hai reaccións, nada extraño.
-¿Traballou en algo máis durante eses anos?
-Si, máis tarde traballei nunha batea experimental da Xunta de Galicia. Ninguén se apuntaba e necesitaban a unha persoa e inda que eu estaba ao cargo de barcos alá fun. Eu aprendín moitísimo das biológas que estudiaban as especies. Criabamos zamburiñas, vieiras e volandeiras. Botabamos cuns colectores e pegabanse ás bateas e crecían. A bióloga preguntábame: "¿Javier, cantas pensa que creceran?". Eu que non tiña nin ide respondíalle: "Creo que ningunha, non se ve nada, seguro que se esparceron polo mar e non quedaron nas bateas". Sorría, vía polo microscopio e dicíame: "Pois si que hai, mire, mire..." E alá vía eu e si, moitísimas quedaban pegadas, moi pequenas e ían crecendo.
- Desde a súa experiencia, ¿nota moita diferenza entre o traballo no mar antano e hogano?
- ¡Home claro! Hoxe vívese mellor, a xente ten máis riqueza que antes. Este xa é outro mundo. Agora ben, antes vivíase mal, había situacións difíciles, pero na rúa había seguridade, as portas estaban abertas todo o día e iso bótase en falta. Agora a ninguén se lle ocorre facelo.
- Por último, ¿que lle aconsellaría a xente máis moza?
- Pois que non esquezan o que lles ensina á vida, que é tan importante ou máis que calquera escola ou universidade.

Caja Negra        O Bichero         Floreano
Síguenos en...
  LA SELECCIÓN DE LOS LECTORES
 LO ÚLTIMO
 LO MÁS LEÍDO
 LO MÁS VOTADO
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo
Diari de Girona | Diario de Ibiza | Diario de Mallorca | Empordà | Información | La Opinión A Coruña | La Opinión de Granada | La Opinión de Málaga | La Opinión de Murcia | La Opinión de Tenerife | La Opinión de Zamora | La Provincia | La Nueva España | Levante-EMV | Mallorca Zeitung | Regió 7 | Superdeporte | The Adelaide Review | 97.7 La Radio | Blog Mis-Recetas | Euroresidentes | Lotería de Navidad | Oscars | Premios Goya