06 de abril de 2018
06.04.2018

Antón Alonso Ríos volta dar clase

O instituto Pintor Colmeiro bautiza unha aula co nome do docente e político galeguista

06.04.2018 | 03:46
Alberto Ríos e Matías Rodríguez da Torre descubriron a placa coa que a partir de agora se coñecerá a aula. // Bernabé/Javier Lalín

Desde hai tempo, no IES Pintor Colmeiro moitas das súas aulas locen, na entrada, unha placa en lembranza dun escritor en lingua galega. Suso de Toro e Xosé Neira Vilas (que dá nome á biblioteca) son algúns deles. Pero o ano pasado decidiuse, en consenso coa Equipa de Dinamización Lingüística do centro, facerlle unha homenaxe a Antón Alonso Ríos, político agrarista e mestre que puido fuxir da represión franquista grazas a invertarse unha nova identidade, a do mendigo Siñor Afranio.

Desde onte, Alonso Ríos é o novo nome da aula do grupo C de primeiro de Secundaria. Foi outro profesor, Matías Rodríguez da Torre, quen lles explicou aos alumnos o legado político e tamén literario que deixou este silledense aos dous lados do Atlántico (emigrou aos 21 anos á Arxentina e, tras voltar a España en 1931, puido regresar a Sudamérica desde Casablanca tras fuxir ata Portugal tralo levantamento do 36). Foi, precisamente, un parente lonxano o que descubriu a placa á entrada da aula, Alberto Ríos. O seu bisavó era curman de Antón Alonso Ríos.

Desde este centro educativo xa se adianta que se seguirán bautizando máis aulas sempre coa colaboració da EDL. Non é a primeira vez que Antón Alonso Ríos (falecido en 1990), volta, de forma simbólica, ao Concello que o viu nacer. No ano 2009 na Casa de Cultura de Silleda organizouse unha mostra con 37 paneis sobre a súa vida política e literaria. A finais do ano pasado, en colaboración co IES de Tomiño, tamén se ofreceu ao público outra exposición a base de fotos, fondos bibliográficos do autor e a recreación dunha escola da II República. Ademais, os Concellos de Silleda e Tomiño xa lle propuxeron á Deputación a reedición da obra Siñor Afranio, ou cómo me rispei das gadoupas da morte.

Compartir en Twitter
Compartir en Facebook

Calendario laboral y escolar 2017/2018

Calendario laboral 2018 en Galicia

Calendario Laboral 2018 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2017/2018 .

 

 

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


Enlaces recomendados: Premios Cine