| O Programa Concilia Entroido, de Vila de Cruces, comezou onte cun obradoiro para os nenos que acudiron durante a mañá á biblioteca impartido por Inma Galego. Hoxe habrá un obradoiro lúdico no Vila Park, tamén de 10:30 a 13:30 horas, mentres que pola tarde os nenos asistirán ao desfile polas rúas do pobo. As actividades rematarán mañá, no mesmo horario matinal e no mesmo sitio. Pola súa banda, o Centro Cultural Vista Alegre, da Bandeira, celebrou o seu Antroido Infantil. A actuación do mago Le Grand Martin, co espectáculo A maxia preto de ti, deu comezo a unha tarde de xogos que rematou cunha merendola para todos os nenos que acudiron disfrazados.
