Bandeira dará comezo hoxe ó seu cartel de actividades enmarcadas na Festa da Empanada, ca decimo sétima edición do Bandeirock. A proposta terá unha vez máis carácter solidario, ca recollida de alimentos non perecedeiros que se entregarán ao Banco de Alimentos do programa municipal Silleda Solidaria. As actuacións serán de balde e darán comezo ás 22.00 horas na praza Camilo José Cela, enchendo a vila de espíritu rocheiro. Os ourensanos Acidproyect aportarán co rock alternativo do seu novo traballo Baba Yaga e Lelli Kelly's versionarán clásicos dende os 50 ata hoxe. Dous grupos lalinenses completarán a lista, por unha parte Los Vagos, que se atopan de xira tras o seu retorno como grupo e por outro Atmósfera 0, con temas rock-pos, indie e country. A programación continuará o venres ca 29ª edición do Esmorga Folk, onde participarán As Lagharteiras, Os Tres Trebóns, Fiandola e Ultraqans.