O auditorio Valero Guzmán, da parroquia cruceña de Merza, acolle hoxe ás 12.00 horas o concerto da Artística de Merza, dentro do seu ciclo Cámara Artística. Ao longo do recital haberá actuacións dos solistas Carlota Salgado (frauta), Gabriel López (piano) e o cuarteto DeBiselas. A Artística de Merza leva realizado diversas actividades neste ano, entre as que destaca a súa participación no Certamen Vila de La Sénia, en Tarragona, o pasado mes de abril, e no que acadou o primeiro premio.
