21 de mayo de 2017
21.05.2017

A música sae dos auditorios

A Praza da Vila de Lalín acolle o I Serán das Letras Galegas e o Coro Vales Mahía celebra o IV Encontro de Voces en Carboeiro

21.05.2017 | 03:28
A edil de Cultura, Lara Rodríguez, xunto ás Pandereteiras de Zobra. // Bernabé/Javier Lalín

A música reduce a dor e o estrés, ao mesmo tempo que aumenta o rendemento e axuda a descansar mellor. O baile, pola súa banda, contribúe a queimar graxa e incrementa a elasticidade das articulacións. E se, por riba, se pode disfrutar destas dúas disciplinas nun entorno ao aire libre, as vantaxes ainda son maiores. Nenos e maiores da comarca tiñan onte ao seu dispor un amplo programa no que a música tradicional e a coral deixaban claro que a zona centro de Galicia é desde hai tempo, e seguirá séndoo, un referente na coñecida como cuarta arte na época clásica.

O bo tempo invita a pasear, a deleitarse cos contrastes de cores da primavera e, por qué non, a descubrir cómo soa a música nun entorno ao aire libre ou nun espazo diferente aos escearios habituais. Onte, na comarca dezá sobraban os motivos para deixarse levar polo sentido do oído e as sensacións que desata a música. En Lalín, a Praza da Vila acolleu o primeiro Serán das Letras Galegas, co que a Concellería de Cultura quixo poñer o broche de ouro ás celebracions do pasado día 17. A velada serviu para rendir homenaxe ás Pandereteiras de Zobra, parroquia que, por certo, o ano pasado organizou o seu primeiro serán da man do colectivo Zobra Camiña. As ferreñas soaron durante boa parte da tarde, grazas a estas veteranas pandereteiras e media ducia de grupos: Ailola, Ponte da Prata, As Maruxeiras e as dos grupos Os Trasnos, A Carballeira de Cercio e Os Dezas. O presentador non podía ser outro que Celso Fernández Sanmartín, enciclopedia humana das tradicións populares e da transmisión oral da comarca.

Non sería a única cita co ritmo que acollía onte Lalín. Na parroquia de Doade, o auditorio do Museo Casa do Patrón serviu de escenario para un doble concerto de coros, o que ofreceron a Coral Polifónica de Lalín, baixo a dirección de Benxamín Otero, e o Coro Infantil Luis Areán, con Isabel Rubio á fronte.

E, falando de música coral, o mosteiro de Carboeiro volveu demostrar, por enésima vez, que é o máis parecido ó paraíso á hora de asistir a un concerto. Se a principios de mes foi o enclave elixido polo cuarteto de saxofóns Dextrum Ensemble, onte o coro Vales Mahía organizou, por cuarto ano, o Encontro Voces en Carboeiro. Ademais da organización anfitriona, o altar e deambulatorio da igrexa foron o fondo para as actuacións da Coral Polifónica de Santa Cruz de Ribadulla e a Coral Polifónica de Bueu.

E por se aínda quedaba alguén con ganas de mover as cadeiras, en dez locais do casco urbano de Vila de Cruces organizáronse á noitiña os terceiros Cantos de Taberna. Os Ke Ai, Sons da Fervenza, Os Varacuncas, Sons da Mina e Sin Son Ghaiteiros percorreron os locais ata preto da media noite animando a clientes e hostaleiros.

Silleda, a Barbadás

Hoxe, a música segue no auditorio da Semana Verde, a partires das 18.00 horas coas audicións dos alumnos da Escola de Música. Ademais, as bandas infantil e xuvenil de Silleda participan no Festival de Bandas de Música Infantís e Xuvenís de Barbadás (Ourense).

Compartir en Twitter
Compartir en Facebook

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


 
Enlaces recomendados: Premios Cine