O Club de Lectura da biblioteca municipal Daniel Castelao pechará o curso o próximo xoves, día 25, e faino cunha sesión especial. A xornalista trasdezá Ana Cabaleiro compartirá un coloquio cos asistentes en torno á súa primeira obra literaria Sapos e sereas, que publica a editorial Galaxia. O encontro terá lugar a partir das 20.30 horas e está aberto a todos os veciños do municipio, non só aos membros do club de lectura. Cabaleiro, que naceu na parroquia de Saídres, presentou en Silleda semanas atrás este libro de relatos no que a maioría das protagonistas son mulleres. Ademais de levar varias décadas traballando como xornalista, Cabaleiro está moi especializada en determinados ámbitos como a discapacidade intelectural ou a cooperación para o desenvolvemento.
