18 de mayo de 2017
18.05.2017

Flores e andaina no Día das Letras

A Estrada realiza a ofrenda nos xardín e Ouzande unha camiñata polos montes

18.05.2017 | 02:40
A concelleira Amalia Goldar e o pregoeiro, Eduardo Alonso, realizando a ofrenda floral. //Bernabé/Cris M.V.

Representantes da política e da cultura estradense, ademáis de veciños, xuntáronse onte ó mediodía a carón do monólito dos irmáns Valladares para realizar a tradicional ofrenda floral polo Día das Letras Galegas. Foi un acto no que o dramaturgo vigués Eduardo Alonso fixo de pregoeiro e no que se lembrou non só a figura de Carlos Casares, o homenaxeado deste ano, senón tambén a pegada dos autores locais como Manuel García Barros, para o que se reivindicou un Día das Letras. Pola súa banda, A Fervenza de Ouzande completou unha andaina na que participaron 17 persoas.

O punto de encontro en A Estrada cada Día das Letras Galegas está a carón do monólito dedicado ós irmáns Marcial e Avelina Valladares, nos xardíns municipais. Como cada ano, onte ó seu pé realizouse una ofrenda floral na que participou o escritor e director teatral vigués Eduardo Alonso, o pregoeiro deste ano na festa das Letras estradense.

A choiva respetou o acto, de arredor de media hora, ó que asistiron membros do grupo de goberno e tamén concelleiros da oposición, así coma veciños e representantes do eido cultural local. Non faltou a lembranza a Carlos Casares -o autor ourensá ó que este ano se lle dedican as Letras Galegas- nin mención ás súas obras, como o libro infantil "A Galiña Azul", ó que aludíu o dramaturgo Xosé Lueiro. Porén, tampouco se esqueceu o legado vital e literario de autores locais, coma os mencionados Valladares, Manuel Daniel Varela Buxán, Xosé Manuel Cabaza Vázquez, Manuel Reimóndez Portela ou Manuel García Barros, para quen, por certo, reclamaron un ano as Letras Galegas. Autores que "contribúen, sen lugar a dúbidas, a reforzar o prestixio da nosa lingua e o prestixio da festa que hoxe celebramos", dixo a concelleira Amalia Goldar.

Lueiro presentou ó pregoeiro como "un dos grandes responsables da normalización do idioma galego na escrita teatral". Responsable da compañía Teatro do Noroeste, Alonso ten colleitado numerosos premios, un dos máis importantes, o Max das Artes Escénicas. O dramaturgo manifestou a súa "preocupación" pola perda de galego-falantes e defendeu a lingua como "algo máis que un sistema para entenderse; a lingua estrutura o pensamento, que é a esencia máis definitoria do ser humano", dixo. "É a forma especial de ser e de sentir o universo", engadíu. Fixo tamén mención ó papel de Carlos Casares na creación da Escola Superior de Arte Dramática de Galicia e á súa valía como autor e director, Alonso rematou facendo un chamamento ós máis novos, ó futuro: "A lingua fainos especiais. Mozos e mozas, falade galego!". Tralos discursos, realizouse a ofrenda floral e a Banda de Gaitas de Barbude, que recentemente recuperou o seu acordeón roubado, interpretou varias pezas.

Este dos xardíns municipais non foi o único acto de celebración da festividade das Letras no municipio estradense. Houbo tamén outras iniciativas, como a impulsada pola asociación A Fervenza de Ouzande, que realizou a súa XII Ruta das Letras, coa participación de 17 persoas. Partiu da igrexa da parroquia, lugar ó que volveu logo dunha andaina polos montes de Pedralba e arredeores, de quince kilómetros. Os camiñantes foron agasallados con libros de autores gañadores do Premio de Teatro Varela Buxán.

Compartir en Twitter
Compartir en Facebook

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


 
Enlaces recomendados: Premios Cine