Tanto no período de escavación como no de consolidación, os colexios, asociacións e grupos, de nenos ou maiores, que visiten a Casa do Patrón poderán ver in situ os traballos realizados polos profesionais, acompañados dun guía do museo ou do propio equipo arqueolóxico. No mes de xullo, todas as estruturas consolidadas quedarán debidamente sinalizadas e serán visitables polo público en xeral, de forma permanente e gratuita. Igualmente, os restos mobles destas escavacións estarán depositados na sala monotemática de arqueoloxía dedicada en exclusiva ao Castro de Doade, con exposición permanente das pezas máis relevantes e representativas do xacemento.
