28 de diciembre de 2016
28.12.2016

SOS Medelo!

O albergue de peregrinos leva anos aberto a vándalos e espoliadores; mandamos un rogo ás administracións que corresponda para que eviten a completa ruína destas espléndidas instalacións

28.12.2016 | 12:44
El albergue de peregrinos de Medelo, abandonado. //D. González Alén

Que alguén faga algo, xa! As instalacións do Albergue de Peregrinos de Medelo (Silleda) corren serio perigo de destrución da man dos vándalos e espoliadores que agora gozan de entrada franca para comezar os desmáns, a rapiña e a barbarie. O Concello de Silleda en primeira instancia, o Xacobeo-Consellería de Presidencia da Xunta de Galicia, terán que facer algo por evitar a completa a ruína destas espléndidas instalación sumidas dende hai anos no abandono.

Pena, rabia e impotencia foi o que sentimos cando días pasados por un casual nos achegamos a estas magníficas instalacións que en 1997, vai para 20 anos, inauguraran Manuel Fraga e Pérez Varela -os mesmos da Cidade da Cultura do Gaiás compostelán- ao abeiro do Xacobeo para cámping e albergue de peregrinos. Con 1.300.000 euros de inversión,3 hectáreas de superficie e 460 prazas, funcionou tan só catro anos da man dun concesionario para logo comezar os desacordos, os preitos xudiciais e o peche definitivo quedando finalmente abandonado vai para catro anos. No fracaso desta iniciativa encamiñada ao fomento do turismo en Deza, puido ter que ver o feito de que as instalacións ficaban a varios quilómetros do camiño de peregrinación a Compostela, nunha zona de escasa poboación e nulos servizos, a pouco máis de cen metros da vía do ferrocarril que enchía de ruído esta tranquila paraxe da parroquia de Mánduas.

Pechado hai anos, en febreiro do presente, anunciaron os xornais unha reunión entre a SA Xestión do Xacobeo e o Concello de Silleda para que este último se fixera cargo destas instalacións, ás que, logo de abrirse un albergue de peregrinos en A Bandeira, habería que buscar outra utilidade. Non sabemos que houbera resultados nese encontro. Mentres, o estado de ruína segue avanzando: os bungalows de madeira hai tempo que desapareceron, as rúas énchense de toxos e xestas, as silvas apodéranse das dúas piscinas, á recepción non é o único lugar de entrada, xa que os vándalos forzaron varias ventás, os colchóns apodrecen, a cristalería do restaurante serve para os botellóns dos intrusos que colan nas instalacións, o parque infantil apodrece, as vaixelas e mobiliario que aínda queda, pode desaparecer en calquera momento.

Por iso, aínda que nós non somos quen para denunciar nin requirir, pedimos a quen teña poder e capacidade de manobra faga algo para evitar esta lamentable desfeita. Ao amigo Matías Rodríguez da Torre, concelleiro de Silleda; ao alcalde Manuel Cuiña; á exsenadora Paula Fernández Pena; ao deputado Pablo García; e ao conselleiro de Presidencia, Alfonso Rueda Valenzuela, con ascendencia na zona,mandamos un rogo para que se impriquen no asunto e medien diante quen corresponda. Esta desesperada crónica que testemuñan as fotos que publicamos mostra que imos cara unha perda irreparable destas magníficas instalacións, coma xa aconteceu co Club Fluvial de Portodemouros hai pouco tempo sen que alí ninguén fixera nada por evitalo.

Compartir en Twitter
Compartir en Facebook

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


 
Enlaces recomendados: Premios Cine