28 de noviembre de 2016

Neira Vilas, un ano vivo na memoria

A fundación que leva o seu nome organiza unha mesa redonda en Gres

28.11.2016 | 12:01
Membros do padroado e autoridades posan con exemplares de "Raigame".

Onte cumpriuse un ano do pasamento de Xosé Neira Vilas na súa casa de Gres. Onte, tamén, rematou unha intensa fin de semana de eventos na súa memoria, todos eles en torno a esta parroquia que foi escenario de boa parte da súa producción literaria. Os actos continúan hoxe en Vigo.

Unha visita á Fundación Neira Vilas, en Gres, é coma se un aínda poidera escoitar as teclas da máquina de escribir que empregaba o insigne literato para dar forma ás ducias de obras coas que tantas xeracións aprenderon a amar tanto a lectura coma o rural. Onte, dalgún xeito, volveuse oir o teclear da máquina, máis que nada porque Neira Vilas dalgún xeito segue vivo a través dos actos que organiza a fundación. Cumpríase un ano do seu pasamento, e a entidade quixo organizar unha mesa redonda con motivo da reedición do monográfico que a revista Raigame, editada pola Deputación de Ourense, lle adicou en 2011 co motivo do 50 aniversario da publicación de Memorias dun neno labrego.

Pero esta reedición ten addendas de xente que o coñeceu moi de preto, como o presidente da fundación, Luis Reimóndez, o secretario xeral de Política Lingüística, Valentín García, ou un dos sobriños do escritor, Fernando Redondo Neira, así como un poema de Rosalía Merlán, que foi escrito expresamente para Neira Vilas hai tempo.

Reimóndez e García formaron parte da mesa redonda na que tamén interviron o deputado provincial ourensán de Cultura, Manuel Doval, e o coordinador deste número de Raigame, Xulio Fernández Senra. A eles uniuse Carlos Seijo, director do documental Espantallo amigo. Esta peza pechou o evento e considérase unha das últimas entrevistas que se lle realizaron a Neira Vilas. Pero é que ademais tén o engadido de que mistura a conversa entre Seijo e o escritor con debuxos animados nos que se recrea a peza para nenos Espantallo amigo, que Neira Vilas escribiu en 1971. As homenaxes proseguen hoxe en Vigo, coa reedición de Cantarolas pra xente miúda, en formato de libro-CD. Este traballo de Suso Vaamonde publicouse nos anos 80 e recolle 13 poemas musicados de Neira Vilas e un do propio Vaamonde. Ademais, no primeiro trimestre do ano que vén publicarase Relatos do mariñeiro, e o tenor Cesáreo torres sacará a luz Cantos á natureza, inspirado no autor cruceño.

Compartir en Twitter
Compartir en Facebook

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


 
Enlaces recomendados: Premios Cine