RUCO ÁLVAREZ - Ponente no Seminario de Autodefensa Lingüística

"No ensino, semella que para usar o galego hai que pedir permiso"

"O goberno do PP quere reducir o idioma a ámbitos concretos"

 23:32  
Ruco Álvarez participou na charla de onte no Casino.  // Bernabé/Javier Lalín
Ruco Álvarez participou na charla de onte no Casino. // Bernabé/Javier Lalín 

SALOMÉ SOUTELO - LALÍN O Casino de Lalín acolleu onte un Seminario de Autodefensa Lingüística promovido pola Plataforma Cidadá Queremos Galego, recén creada na comarca. No ciclo de charlas participaron a docente María Xosé Álvarez, o xuiz Luis Villares e o investigador Ruco Álvarez. Mentres os dous primeros ofreceron unha visión sobre a situación sociolingüística do galego e a súa presenza no ámbito xurídico, Ruco Álvarez botou man da súa experiencia como docente en países con varios idiomas oficiais ou recoñecidos.

–Vostede traballou en Alemaña, Noruega ou Suecia. Que sistemas destes países se poden aplicar a Galicia para chegar a unha situación realmente harmónica entre galego e español?

–Sorprendeume sobre todo o caso de Noruega, da que temos a crenza que é un país monolingüe cando non se trata diso, posto que un estudante pode chegar a pedir que se lle faga un exame noutras linguas. En Suecia, a pesar de que eu impartín clases en inglés, se hai un 8% de falantes dunha lingua minoritaria, o estado apoia con medios económicos a pervivencia dese idioma para que non se perda. Estas leis de fomento do galego existen aquí, pero hai sectores que se aledan de que sexan papel mollado, recoñecendo que durante o goberno de Fraga se sacou adiante unha Lei de Normalización Lingüística que non se quere aplicar.

–Hai algún sector no que se sexa claramente perigoso o descenso do uso do galego?

–En moitos ámbitos a lingua está nunha situación precaria, pero creo que debemos insistir sobre todo no ensino, e xa dende Preescolar porque, de seguirmos así, quizais a próxima xeración non coñeza o galego. O ideal é que, se se quere unha sociedade sen conflictos, hai que ensinar de forma parella galego, castelán e inglés, e isto hoxe estase torpedeando. Como profesor, detectei tanto en Secundaria como na Universidade que ás veces semella que hai que pedir permiso para usar o galego, pero non para empregar o español. Abonda con lembrar as campañas anteriores ás eleccións que levaban por lema "Queremos elegir". Estas dúas palabras poden enganchar a moitas persoas, pero en contextos determinados implican poder prescindir dunha lingua e dunha cultura, o que nos leva ao racismo lingüístico.

–Que opinión lle merece o papel do actual goberno autonómico?

–Os medios que está facendo efectivos non van cara a un bilingüismo harmónico, senón a localizar as áreas onde o galego aínda ten unha presenza importante, para así reducila. Lembro que o decreto do uso do galego e español ao 50% no ensino moitas veces non se pode aplicar pola falta de materiais en galego. E xa que as editoriais pensan cunha mentalidade mercantilista, o que tería que facer o goberno é apoiar a edición de materiais didácticos para non lles causar perdas económicas ás empresas.

–Corre perigo o futuro do idioma?

–A desaparición do galego é unha posibilidade máis, porque é a tendencia que existe na actualidade e estamos a vivir, ademais, un acelerón neste sentido, igual que se constata a permanencia de certos prexuízos de cara ao idioma. Pero polo que a min se refire, non vai desaparecer, nin por min nin por moita outra xente á que lle teño moito respecto.

  HEMEROTECA
Caja Negra        O Bichero         Floreano
¿Qué piensa hacer hoy? ¿Tiene algún plan para el fin de semana? Consulte todos los eventos culturales en nuestra agenda... más »




Le ofrecemos un espacio propio para hablar de lo que más le guste. Cree un blog en el espacio que Faro de Vigo pone a su disposición... más »




Contemple la Ría de Vigo en directo desde la cámara situada en la sede de Faro de Vigo, situada en Chapela... más »
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya