Galardón para un poeta que pretende seguir sendo un neno

 
O autor recibe o premio dotado con 1.500 euros.  // Bernabé/Javier Lalín
O autor recibe o premio dotado con 1.500 euros. // Bernabé/Javier Lalín 

A sé da Fundación Xosé Neira Vilas de Gres acolleu onte o acto de entrega do Premio Estornela de teatro para nenos que, nesta quinta edición, gañou o poeta morracense Bernardino Graña. O autor, que xa se impuxera en anteriores edicións do certame, recibíu o seu galardón de mans da delegada provincial de Cultura, María Xesús López Escudeiro, dotado con 1.500 euros. Ao acto tamén acudeu o alcalde de Vila de Cruces, Jesús Otero, o concelleiro de Cultura, Nicolás Castro, e un nutrido grupo de veciños e colaboradores desta fundación situada na parroquia de Gres.

Alfonso loño  Vila de Cruces
O poeta do Morrazo Bernadino Graña recibeu onte na sé da Fundación Xosé Neira Vilas de Gres o galardón da quinta edición do premio Estornela de teatro infantil, dotado con 1.500 euros. O autor, nado en Cangas no ano 1932, lembrou a trascendencia do que representa o mundo dos cativos no seo da sociedade actual. Na súa intervención, logo de que a delegada provincial de Cultura, María Xesús López Escudeiro, lle entregara o premio, dixo que lle gustaba escribir textos coma este para os máis pequenos "porque eu tamén me considero un neno".
Aínda que preferíu non valorar a obra "Larpancia saborosa do lobo e da raposa", coa que gañou o Estornela deste ano, sí falou da "ternura e a ilusión que xeneran os nenos" así como do seu papel nas futuras xeracións. "Hai que traballar para que haxa cada vez máis esperanza de mudar o mundo e facelo mellor. Queremos ser nenos e, coma eles, decir verdades", dixo. Bernardino Graña tamén aludeu á literatura como ponte para acadar estes obxextivos e, ademais de lembrar aos presentes a importancia da lectura na formación dunha persoa, valorou a importancia de que se cultiven e difundan todos os xéneros literarios. "Que viva a palabra e que vivan os nenos", con esta frase despideu o seu pausado e aplaudido discurso. O acto comezou preto das cinco e vinte da tarde coa lectura do faio do xurado a cargo do secretario da fundación, Luis Reimóndez, que lembrou que o tribunal quixo destacar a obra do gañador coma "unha fábula versificada para ser representada con monifates, marionetas ou actores, ademais de exemplificar de xeito humorístico o mundo dos contrastes, o do reino animal fronte ao dos humanos, a inxenuidade fronte á ambición".
A delegada ensalzou as virtudes do premiado, sobre todo "por escribir para nenos, que aínda que poida parecer o máis doado, crear esa ilusión entre os pequenos non o é tanto", dixo. Tanto escudeiro como o alcalde de Cruces, Jesús Otero, lembraron a relevancia do traballo que se fai desde a fundación que preside Xosé Neira Vilas.

CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo
Diari de Girona | Diario de Ibiza | Diario de Mallorca | Empordà | Información | La Opinión A Coruña | La Opinión de Granada | La Opinión de Málaga | La Opinión de Murcia | La Opinión de Tenerife | La Opinión de Zamora | La Provincia | La Nueva España | Levante-EMV | Mallorca Zeitung | Regió 7 | Superdeporte | The Adelaide Review | 97.7 La Radio | Blog Mis-Recetas | Euroresidentes | Lotería de Navidad | Oscars | Premios Goya