Tribuna libre

Os pais do Piñeiriño

20.06.2017 | 03:24

Como anunciamos na concentración na praza de Galicia, os pais do colexio O Piñeiriño seguimos en loita para que se manteña o profesor de apoio que o ano pasado Educación acordou poñerlle á clase de quinto de infantil (que o ano que vén será a de sexto). Vímonos obrigados a coller as pancartas ante a falta de diálogo coa xefatura territorial de Educación, que non respostou ao noso escrito nin á nosa petición de entrevista. Así que non nos deixou outro camiño que facer visible o noso problema a pé de rúa. Agora ben, malia que nos sobran argumentos,soubemos que o xefe terrorial está disposto a reunirse co director do centro e coa presidenta da Anpa. Entendemos que a nosa mensaxe non pode estar en mellores mans. O director, tal e como dixo na asemblea o venres, sabe perfectamente que a clase en cuestión mellorou enormemente grazas a ese profesor de apoio que tivo este curso e que se quitan o apoio a esa clase o perxuizo non vai ser só para os alumnos desa aula, senón para todo o centro porque, como o equipo directivo dixo, hanse mermar recursos moi necesarios noutros lados para axudar a esa clase, a máis numerosa de infantil. E tamén estamos en boas mans porque a presidenta da Anpa loitou ao lado dos pais todo este tempo e entende ben que, sen ese apoio, quen perde é todo o colexio actual e incluso as vindeiras xeracións. Polo tanto, e xa que hai unha mínima opción de diálogo que ata agora non existia porque o xefe territorial non contestou ás nosas peticións de entrevista, imos deixar que a loita a sigan, pola vía do diálogo, o director e a presidenta da anpa. Esperaremos a ver o resultado desa reunión para decidir que facer a continuación e farémolo, coma sempre, da man do centro e da Anpa.

Entendemos que a consellería terá que acabar por asumir que non ten sentido quitar un profesor de apoio que o ano pasado concedeu cando aínda por riba o próximo curso haberá un alumno máis na aula. Nós a única explicación que lle atoparíamos a algo así xa a dixemos: o ano pasado era ano electoral e este non. Así que esperamos non ter que quedarnos con esa idea, porque, de ser verdade que só nos deron un profesor por puro afán electoralista, o xefe territorial, César Pérez Ares, como responsable político da decisión tomada, debería dar moitas explicacións.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

 
Enlaces recomendados: Premios Cine