REDACCIÓN - CAMBADOS
Despois de tres anos sen celebrarse, o Concello de Cambados decidíu recuperar o concurso de filloas do entroido, no que se vai premiar a todos os equipos que participen, ainda que os dous primeiros clasificados vanse repartir un botín de 200 euros. O certame celébrase o luns de entroido ás 17,30 horas no recinto de exposicións José Peña, e según as bases do concurso, cada equipo de cociñeiros ten que estar formado por un mínimo de tres persoas e un máximo de dez.
Aqueles grupos que queiran participar teñen que anotarse no centro sociocultural de A Mercede, para optar a dúas categorías de premios: as máis saborosas e o maior número de filloas cociñadas nunha hora. Os dous equipos serán premiados con 100 euros. Aqueles que non acaden premio percibirán 50 euros polo simple feito de participar. Todo o proceso de elaboración vai ser de cara ao público, aportando cada equipo o seu propio material para a elaboración, agás os fogóns.
De todas formas, o certame de filloas é só unha das citas obrigadas do entroido de Cambados. Para o domingo, día 14, vólvese celebrar un desfile de carrozas engalanadas e máis dos disfrazados e choqueiros que desexen participar no mesmo. Este espectáculo parte da escalinata de San Tomé, ás 17 horas, e percorrerá as principais rúas da vila ata rematar na praza do Concello.
O día 16 vai ser o día grande do entroido en Cambados, con outro espectacular desfile de carrozas que, partindo da escalinata de San Tomé. As carrozas que participen optan a diversos premios en metálico nun concurso que se vai fallar a partires das 18 horas. O obxectivo é recuperar o esplendor que antigamente tiña Cambados durante estas datas.
Ademais de Cambados, Ribadumia tamén se está volcando na organización do seu entroido, centrado de maneira especial nos máis novos.
O baile de disfraces infantil vaise realizar o vindeiro luns 15 no centro social de Barrantes. A música, a animación e os agasallos serán o principal atractivo desta festa. O baile comeza ás 17 horas e vaise premiar a orixinalidade dos traxes á hora de outorgar os premios, que se reparten en diferentes categorías.
Ademais dos premios, tamén vai haber un sorteo de dúas bicicletas e outros agasallos. O Concello vai recoller, de forma gratuita aos nenos polas diferentes parroquias.
Coa creatividade e orixinalidade do entroido tamén traballan esta semana os nenos da Escola de Ocio e Tempo libre, que están elaborando os seus propios disfraces.
