M.G. - VILAGARCÍA
O libro de poemas “Eco in aeternam”, da xoven escritora Andrea Porto Mato, gañadora do Premio de Poesía O Grelo 2009, foi presentado onte no Concello de Vilagarcía pola propia autora e o concelleiro de Cultura, Xosé Castro Ratón, quen salientou a oportunidade que o concurso da aos novos poetas como unha plataforma de lanzamento. O edil dixo que Andrea Porto, quen xa recibiu outros premios, vai camiño de entrar con forza no mundo literario como xa o fixeron outros poetas consagrados, coma Marta da Costa ou Anxo Angueira, tamén gañadores do certame convocado pola Fundación Amigos de Galicia.
–¿En qué se inspira a súa obra?
–O que escribo está baseado nas miñas vivencias. Para min a escritura é unha válvula de escape, un xeito de comunicarme.
–¿Pero vostede encamiña a súa vida profesional no ámbito musical, onde deixa a literatura?
–A escritura e a música forman parte da miña vida. Non sei cal ten máis peso. De feito, o meu poemario “Eco in aeternam” ten moitas influencias musicais. Estudio Educación Musical e Pedagoxía Musical para adicarme profesionalmente á música, pero sigo escribindo como unha necesidade da miña vida.
–¿Eco in aeternam é o seu primero libro?
– Sí, é o meu primeiro libro en solitario no ámbito da poesía, aínda que teño outros poemas publicados en edicións colectivas.
– ¿Traballou noutros xéneros literarios?
–Teño escrito relatos e algunha obra de teatro, xéneros onde tamén tive recoñecementos literarios, pero agora adícome á poesía porque nesta faceta da miña vida síntome máis cómoda expresándome deste xeito.
–¿Qué sentiu ó coñecer que era a gañadora do premio de poesía O Grelo?
–Unha grande satisfacción que é agora maior ó ver publicado o libro, do que se editan 1.500 exemplares e poderá estar en todos os currunchos de Galicia. Seguirei escribindo porque creatividade musical e poética para min van xuntas.
