Recordos dende o 14 de abril

O Arquivo da Memoria recolle momentos destacados da II República en Vilagarcía

 
Un momento da inauguración da mostra "Xente nosa. Vilagarcía nos anos 30"
Un momento da inauguración da mostra "Xente nosa. Vilagarcía nos anos 30" Iñaki Abella

No 1934 Niceto Alcalá Zamora, presidente da II República Española, visitaba Galicia e Vilagarcía. As reformas puxéranse en marcha a unha velocidade vertixinosa, e Arousa non era menos. Poucos imaxinaban entón o estancamento que estaba por chegar e que se ía prolongar por 40 anos. As xentes do país soñaban cun futuro mellor e con construir, entre todos, a sociedade que sempre tiveran imaxinado. Hoxe case non quedan os recordos desta época, ainda que pouco a pouco as imaxes e cartas comezan a sair dos caixóns nos que estiveron agochadas máis de medio século.

J.F. - VILAGARCÍA Moreira Casal levou o título de “médico dos pobres” ata o final. Recordaba a súa filla non hai moito que xusto un día o seu pai recibiu, xa moi enfermo, a un neno que sufría ataques. Explicoulles os seus pais o tratamento que tiñan que darlle e, pouco despois, morreu no seu fogar vilagarciano. Levaba na mediciña os mesmos ideais que o converteron nun dos persoeiros máis destacados da reforma da sociedade vilagarciana, durante a II República e os anos que a precederon.

A súa historia non é máis que unha desas moitas que se esqueceron durante anos e que hoxe, gracias á labor duns poucos, están ocupando o espacio que se lles reservou nos libros de texto. A vida de Moreira Casal é un dos fíos conductores que percorre a exposición “Xente Nosa. Vilagarcía nos anos 30” que estará no primeiro andar do Auditorio ata o vindeiro 30 de abril.

A mostra foi inaugurada onte, pero ten hoxe, no 78 aniversario da proclamación da II República en España, o seu inicio máis significativo. O segundo fío argumental da exposición é a vida de Matilde Vázquez, unha cantante vilagarciana –aínda que naceu en Cambados por casualidade– que chegou a triunfar na escena nacional. “Doña Francisquita” foi a película que máis fama lle deu, e na mostra que organiza o Arquivo Social da Memoria, pode verse un anaco.

O comisario da exposición, Antonio Couceiro, leva meses traballando neste proxecto, do cal dixo que “sería imposible sen a colaboración de todos os amigos e familias que nos deixaron o material que gardaban dos seus pais”. Couceiro foi o encargado de inaugurar a mostra onte no Auditorio xunto coa alcaldesa, Dolores García, o concelleiro de Cultura, Castro Ratón, as ediles Susana Camiño e Dolores Couso, e o voceiro de Esquerda Unida Juan Fajardo.

A mostra consta de 18 paneis gráficos que recollen diferentes facetas do día a día vilagarcián nos anos 30. Moreira e Váquez ocupan 3 carteis cada un, e o resto son para a emigración, a inauguración do parque praia da Compostela, Manuel Barreiro, Rosina Villaverde e outros poucos retratos máis dos cidadáns máis destacados.

Pero o máis importante da exposición son a grande cantidade de obxetos persoais e de traballo da época, como o material médico de Moreira ou os discos de Matilde Vázquez. Ademáis, tamén xoga un papel destacado a tecnoloxía audiovisual, que mostra unha serie de documentais sobre a Vilagarcía da II República.

De forma paralela, proxéctanse no Auditorio catro películas dentro dun ciclo audiovisual. Comezou onte con “Esta noite, velada” e segue con “Traballadores do contrabando”, “Flores tristes” e “Memorial de Camposancos”.

  HEMEROTECA
Caja Negra        O Bichero         Floreano
¿Qué piensa hacer hoy? ¿Tiene algún plan para el fin de semana? Consulte todos los eventos culturales en nuestra agenda... más »




Le ofrecemos un espacio propio para hablar de lo que más le guste. Cree un blog en el espacio que Faro de Vigo pone a su disposición... más »




Contemple la Ría de Vigo en directo desde la cámara situada en la sede de Faro de Vigo, situada en Chapela... más »
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya