Un ano de lembranzas de Cabanillas

O Concello pretende que o 2009 sexa o do Poeta da Raza

 11:53  
A Exposición "Entre Miradas" atópase no Museo do Viño ata o próximo 31 de maio.
A Exposición "Entre Miradas" atópase no Museo do Viño ata o próximo 31 de maio.  Iñaki Abella

O Poeta da Raza tamén foi o poeta de Cambados. Por iso o Concello decidíu adicarlle unha máis que merecida homenaxe a Cabanillas este ano, cando se cumpre o cincuentenario do seu pasamento. A vila do albariño quere recuperar a figura do autor de "O Mariscal" pois foi Cabanillas un dos responsables de situar a Cambados no mapa en lugares como España ou América, percorridos polo autor durante a súa azarosa vida. Agora os que foron os seus veciños cren que é o momento de devolverlle todo o que fixo por Cambados con un merecido recoñecemento.

REDACCIÓN - CAMBADOS Hai xa medio século do pasamento de Ramón Cabanillas, polo que o Concello de Cambados decidíu que este era o ano no que se debía celebrar unha merecida homenaxe a un dos cambadeses máis ilustres e respectados. Durante estes doce meses diseñouse un amplo calendario de actividades elaborado pola comisión organizadora, que conta co asesoramento do académico Francisco Fernández Rei e o biógrafo Luis Rey Núñez.

Todos os eventos que se diseñaron para este ano nacen na vila do albariño, pero teñen a vocación de extenderse a toda a comunidade autónoma, porque desde o Concello entenden que a dimensión humana e literaria de Cabanillas trascende os lindes comarcais.

Iniciadas en xaneiro coa representación da “Ofrenda das fadas no Portal de Belén” e continuadas este mesmo mes coa inauguración da exposición “Entre miradas”, o calendario de actividades contempla unha manchea de actos. De feito neste mes, cúmprense 90 anos da estrea de “A Man da Santiña”, o primeiro intento dun teatro galego no que ía participar unha compañía estable un dos maiores éxitos que obtivo o sector, polo que se vai organizar o día 22 unha innovadora montaxe audiovisual desta obra no Auditorio de A Xuventude.

Ao día seguinte, con motivo do Día Internacional do Libro, vaise adicar a maratón de lectura á obra de Ramón Cabanillas, decorándose o auditorio como se fose o paseo da Calzada.

O Día das Letras Galegas, o 17 de maio, ten lugar a inauguración do Roteiro Poético de Cabanillas, un acto que se concibe como unha exposición que conta coas rúas e lugares emblemáticos de Cambados como protagonistas e na que hai proxeccións de vídeo, bandas sonoras con poesía de Cabanillas e iluminacións artísticas.

Coincidindo coa data de nacemento do escritor cambadés, o Concello vai rendir un homenaxe a Francisco Fernández del Riego e a Xesús Alonso Montero por seren os responsables das edicións das Obras Completas de Cabanillas a mediados do século pasado.

O Festival poético e musical “Cabanillas Emigrante” está previsto para setembro. A data é o día 12 porque foi esa xornada de 1910 cando o poeta partíu para Cuba. Vai haber lectura de poemas desta temática tanto do propio autor cambadés como doutros escritores contemporáneos.

Para o 8 de novembro organízase unha homenaxe dos colectivos culturais cambadeses a Ramón Cabanillas, que consiste na actuación conxunta en concerto das corais de Cambados, a banda de música de Castrelo, os diversos grupos de música tradicional e outros colectivos culturais, interpretando temas musicados sobre poemas de Cabanillas. O acto configúrase como a gran homenaxe popular cambadesa ao seu poeta. Ao día seguinte celébrase o cincuentenario do pasamento, abríndose os actos desa xornada coa apertura das actividades simultáneas do congreso Ramón Cabanillas e do congreso da Poesía Galega.

As actividades deste ano adicado ao escritor máis importante de Cambados rematan tan só uns días despois, o 12 de novembro, cando a Real Academia Galega celebre unha sesión solemne en Cambados. Non vai ser a primeira vez, xa que se celebrou o mesmo acto en 1960, coincidindo coa inauguración do monumento ao poeta e en 1976, cando se lle adicou o Día das Letras Galegas.

  HEMEROTECA
Caja Negra        O Bichero         Floreano
¿Qué piensa hacer hoy? ¿Tiene algún plan para el fin de semana? Consulte todos los eventos culturales en nuestra agenda... más »




Le ofrecemos un espacio propio para hablar de lo que más le guste. Cree un blog en el espacio que Faro de Vigo pone a su disposición... más »




Contemple la Ría de Vigo en directo desde la cámara situada en la sede de Faro de Vigo, situada en Chapela... más »
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya