Cambados pon en escena "A man de Santiña" 90 anos despois do seu estreo na Coruña

O Concello pídelle ó público que acuda ó espectaculo con roupas dos anos vinte do século pasado

 
Unha das escenas fotografadas polo bisavó de Cabanillas.
Unha das escenas fotografadas polo bisavó de Cabanillas.  

ANXO MARTÍNEZ - CAMBADOS

O 22 de abril de 1919 estreábase na Coruña unha obra de teatro de Ramón Cabanillas, “A man de Santiña”. Xusto noventa anos despois, o Concello de Cambados pretende conmemorar a efeméride cunha posta en escena desta mesma obra.

O espectáculo terá lugar no auditorio da Xuventude e a pretensión dos organizadores é realizar unha especie de viaxe no tempo, polo que se lle pide a todo o público que vaia asistir que na medida do posible acudan disfrazados con roupas daquela época. O técnico de Cultura e biógrafo de Cabanillas Luis Rei conta que “A man de Santiña” foi saudada en 1919 como unha obra fundacional no teatro galego. Os críticos salientaban da mesma que era a primeira peza non diglósica, na que todos os personaxes falaban en galego –mesmo os de clase alta–; e que introduce técnicas que nese momento xa se estaban empregando na dramaturxia europea.

Aquela representación de 1919 estivera a cargo da sección de declamación do Conservatorio Nazonal de Arte Galego –unha das poucas compañías semiprofesionais da época–, e contou para a ocasión cun equipo de luxo, posto que o escenógrafo foi Camilo Díaz Baliño –o pai ide Isaac Díaz Pardo, considerado o mellor no seu traballo daquel tempo– e o mesmo Díaz Baliño colaborou con Castelao na confección do cartel.

A obra gustou, e proba diso é que por primeira vez na historia do teatro galego tivo seis funcións seguidas nun mesmo escenario, e posteriormente contou cunha pequena xira por Galicia. O Concello de Cambados quere resaltar a importancia cultural desta data e noventa anos despois do estreo, vaise representar de novo “A man de Santiña”. O traballo está coordinado por Luis Rei, pero conta co traballo de máis dunha ducia de persoas, entre os que figuran a directora da escola de teatro, Noelia Toledano; a directora do Conservatorio, Lorena Varela; actores de Teatro Caracol, como Manuel Pillado; profesores de ensino, como Manuel Núñez e Rosa Fiel; alumnos da escola de teatro, como Eva Lede, que fai o papel principal; e un bisneto de Cabanillas, Enrique Álvarez, que asina as fotografías en branco e negro que compoñen a proxección que se pasa mentres os lectores recitan a obra.

O espectáculo estará presentado polo actor Evaristo Calvo, e as persoas interesadas en acudir ó mesmo teñen que pasar pola casa da cultura da Mercede a recoller as invitacións, que son necesarias para acceder ese día á Xuventude, aínda que a entrada é de balde. O obxectivo é recrear ó máximo aquela data de 1919; haberá un monólogo cómico e lerase unha carta de Cabanillas. Este acto forma parte da programación de Concello en homenaxe ó poeta, que está coordinando a edil de Cultura Anabel Carro. Doutra banda, hoxe sae a Carreira dos Institutos, polo que varias rúas de Cambados estarán cortadas ó tráfico. Nos dorsais dos atletas figura unha caricatura de Cabanillas.

  HEMEROTECA
Caja Negra        O Bichero         Floreano
¿Qué piensa hacer hoy? ¿Tiene algún plan para el fin de semana? Consulte todos los eventos culturales en nuestra agenda... más »




Le ofrecemos un espacio propio para hablar de lo que más le guste. Cree un blog en el espacio que Faro de Vigo pone a su disposición... más »




Contemple la Ría de Vigo en directo desde la cámara situada en la sede de Faro de Vigo, situada en Chapela... más »
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya