O recordo nunca permite o esquecemento, hoxe hai un mes recibimos a triste nova de que nos deixaba un membro da nosa peña, un celtista dos de verdade, pero ante todo iso un grande compañeiro e amigo. Siareiros Dezaos sempre estará en débeda contigo, por seres un dos impulsores desta peña celtista da comarca de Deza. A lembranza de todos os que formamos este colectivo será o compañeirismo e os folgos que sempre nos transmitías en tódalas actividades, así como a túa actitude positiva compartindo os encontros do R.C. Celta.
Aquelas conversas das inauguracións da peña, o xantar na Carballeira das Casianas, naquela final de Copa. Os primeiros viaxes a campos foráneos, empanadas e lacóns aos partidos de Vigo nos que ao regreso nunca faltaba a parada obrigatoria para degustar o xamón da Cañiza, os partidos de Champions e UEFA en Balaídos; compartindo amizade e partidos no Bar Suso de Donramiro...
Por todo isto, Tito, sempre estarás presente, seguiremos co teu legado de manter vivo o celtismo en Deza.
Sempre Celta!
*Peña Celtista do Deza
