obituario

Unha última reflexión

27.06.2017 | 03:06
Unha última reflexión

Escribía Cunqueiro lembrando ao noso Mosteiro, " Hai no aire puro de Carboeiro una escola de paxaros cantores. No inmenso silencio da tarde escóitase pasar o vento cos seus pasos de seda" A noticia colleume lonxe pero non fixo falta vir axiña. Os paxaros da contorna do cenobio trasladáronme, sen eu desexalo, ao punto do inicio común. Foron eles os que me comentaron que alí comezou a nosa andaina de tantos pasos de seda, ata chegar ao día de hoxe. Os que me recordaron cantos e cantos temas se debatiron encol das técnicas de marquetin a empregar para resolver sobre a Escola Taller; ou sobre cantas reflexións se fixeron sobre como mellorar o Concello. Esa asignatura sempre pendente da historia común de Trasdeza, arraizada nas vivencias da nenez, que nos foi cortada sen clemencia para sentir a emigración forzada polos estudos no Seminario de Lugo e no Colexio de Pontevedra, ou, no teu caso, nas primeiras prácticas da vida en Madrid e neses mundos de deus. E aínda así eres e serás da Escola do Talante, afable, comprensivo e solidario. Con vocación, sí, pero de servicio a un mellor fín. Como dicías:"colocar ao medio rural, no pedestal dos gañadores". "Poñer a Silleda no grupo dos escollidos". "Só así, ,como temos afirmado en moitas ocasións, haberá un equilibrio entre o ser e o deber ser". E remato co pensamento de Cunqueiro, que ben coñecerás: "Non sería extraño que no crepùsculo vespertino, á hora de entre lusco e fusco, alguén crera ver pasar a procesión inacabable e eterna dos antigos monxes, puntuais aos oficios". E engado eu que , ou moito me equivoco ou coido que sempre haberá entre esa compañía unha morea de amigos de Carboeiro entre os que estarás presente levando as chaves da basílica coas mans entrelazadas. Só unha última reflexión. As nosas diferenzas, que as houbo, quedan zanxadas menos unha: Nunca che perdoarei que te ausentaras sen avisar, nin o consentirei na "vida". O teu amigo.

Compartir en Twitter
Compartir en Facebook

Suscriptor | Opinión

Contenido exclusivo para suscriptores digitales

LUIS GANCEDO

La anatomía de la tasa de paro

Todavía es diez puntos superior a la del 2007

 
 

Consecuencias de la falta de aparcamiento

El concejal del PSOE de Cangas, Alfredo Iglesias, no llegó al minuto...

 
 

Alea jacta est, Roma!

YO ROMA, ROMA MÚSICA. Anoche estuve escuchando a la tuna en la Plaza Mayor de Salamanca, pero...

 
 

DANIEL CAPÓ

9 de agosto de 1942

Una regla universal nos dice que, casi en cualquier ámbito, las personas excepcionales son...

 
 

EUGENIO FUENTES

Tácticas nuevas para viejas redes

Los atentados por atropello o apuñalamiento no se inventaron en Niza...

 
 

J.M.EGUILETA*

As pontes sobre o río Miño

A historia dun territorio ten moito que ver coa das súas pontes. Iso lle contaba ao equipo da...

 
 
Enlaces recomendados: Premios Cine